Julio Iglesias
Julio José Iglesias de la Cueva, o mai simplament Julio Iglesias, nascut lo 23 de setembre de 1943 a Madrid (Espanha), es un cantaire espanhòl. Abans d'èsser cantaire, a començat dins sa joventut una crana carrièra dins lo fotbòl professional (es ja a catòrze ans portièr en çò dels joves del Real Madrid Club de Fútbol), mas un accident de la rota en 1962 l'obliga d'arrestar aquela carrièra esportiva. Un còp restablit d'aquel accident, repren sos estudis e se'n va per aprene l'anglés en Anglatèrra ; comença a n'aquela epòca a cantar la dimenjada dins un pub, l'Air Pòrt Pub, las cançons popularas de Tom Jones e dels Beatles.
En 1968 empòrta lo festenal de Benidorm e enregistra son primièr single, La vida sigue igual. Participa en 1970 al Concors Eurovision de la cançon e arriba 4en. I interprèta una cançon entitolada Gwendolyne, inspirada del nom de son amigueta francesa quand èra estudiant en Anglatèrra.
En 1977, signa amb l'ostal de disc CBS un plan gròs contracte : comença alavetz una periòda fasta per Julio Iglesias que coneis pauc de temps après de grandas capitadas internacionalas. Per exemple, l'album en francés À vous les femmes publicat en 1979 va aver una capitada colossala dins los païses francofòns ambe los tubes Pauvres diables e Je n'ai pas changé, album vendut a mai d'un milion d'exemplaris en França.
Aital, Julio Iglesias es oficialament devengut lo cantaire de lenga romanica avent vendut lo mai d'albums al mond : a recebut mai de 2 600 disques d'aur e de platin pendent sa carrièra. Canta dins catòrze lengas, evidentament sustot dins de lengas romanicas coma l'espanhòl, lo francés, l'italian e lo portugués, mas tanben plan sovent en anglés e en alemand.[1]
Julio Iglesias es lo paire d'Enrique Iglesias, el tanben vengut a son torn cantaire plan popular dins los païses de lenga latina.
Discografia[modificar | Modificar lo còdi]
- 1969 : Yo canto
- 1970 : Gwendolyne
- 1972 : Por una mujer
- 1973 : Soy
- 1973 : Und Das Meer Singt Sein Lied
- 1974 : A flor de piel
- 1974 : Ich Schick Dir Eine Weiße Wolke
- 1975 : A México
- 1975 : El Amor
- 1975 : Manuela
- 1976 : América
- 1977 : A mis 33 años
- 1978 : Aimer La Vie
- 1978 : Da Manuela a Pensami
- 1978 : Emociones
- 1979 : À vous les femmes
- 1980 : Hey!
- 1980 : Sentimental
- 1981 : De niña a mujer
- 1982 : Momentos
- 1984 : 1100 Bel Air Place
- 1985 : Libra
- 1987 : Un hombre solo
- 1988 : Non Stop
- 1989 : Raíces
- 1990 : Starry Night
- 1992 : Calor
- 1994 : Crazy
- 1994 : Ao meu Brasil
- 1995 : La carretera
- 1996 : Tango
- 2000 : Noche de Cuatro Lunas
- 2001 : Una Donna Può Cambiar La Vita
- 2003 : Divorcio
- 2005 : L'homme que je suis
- 2006 : Romantic classics
- 2007 : Quelque chose de France
- 2015 : México
- 2017 : México & Amigos
- 2017 : Dois Coracoes