Josep Pla i Casadevall

Josep Pla i Casadevall, (nascut a Palafrugell lo 8 de març de 1897 - mòrt a Llofriu lo 23 d'abril de 1981) es un dels escrivans mai importants de la literatura catalana. Foguèt tanben jornalista.

Biografia[modificar | Modificar lo còdi]

Josep Pla, filh de modèstes proprietaris rurals, estudièt lo batxillerat a l'institut de Girona e comencèt d'estudis de medecina, a l'Universitat de Barcelona que abandonèt per seguir d'estudis de drech. Un còp acabats los estudis se consacrèt professionalament al jornalisme e collaborèt, d'un biais especial, a Las Noticias, La Publicitat e La Veu de Catalunya. Sulpic se revelèt coma un jornalista de granda valor e coma un escrivan amb d'excepcionals dons d'observacion. Pendent fòrça annadas foguèt correspondent a l'estrangièr, çò que li porgiguèt l'escasença de viatjar e de conéisser Euròpa d'un biais prigond.

Militant de la Lliga Regionalista, en 1921 foguèt elegit deputat provincial per la Bisbal. En 1936 passèt en França e en Itàlia e puèi tornèt dins l'Espanha franquista (tornèt en Catalonha en 1939). Venguèt lo director efemèr de La Vanguardia. Tre que foguèt com possible de tornar escriure en catalan, Josep Pla comencèt una tasca admirabla e exemplara, en contunhar a porgir de paginas de sa pròsa de granda qualitat e en permetre de recuperar un nombre important de lectors que s'èran alunhats de la lectura en catalan.

Biografia[modificar | Modificar lo còdi]

Coses vistes (1925)
Rússia (1925)
Llanterna màgica (1926)
Relacions (1927)
Vida de Manolo (1928)
Cartes de lluny (1928)
Cartes meridionals (1929)
Madrid (Un dietari) (1929)
Francesc Cambó (1928-1930)
Vint-i-cinc anys de política catalanista (1931)
Madrid (L'adveniment de la República) (1931)
Viatge a Catalunya (1934)
Cadaqués (1947)
Bodegó amb peixos (1950)
L'illa dels castanyers (1951)
Pa i raïm (1951)
Un senyor Barcelona (1951)
El carrer estret (1952)
Llagosta i pollastre (1952)
El vent garbí (1952)
Girona (1952)
Els pagesos (1952)
Nocturn de primavera (1953)
Els anys (1953)
Les hores (1953)
Contraban (1954)
Peix fregit (1954)
L'Empordanet (1954)
Cartes d'Itàlia (1955)
Santiago Rusiñol i el seu temps (1955)
Els moments (1955)
Week-end d'estiu a Nova York (1955)
De l'Empordanet a Barcelona (1956).

A partir d'aquel an (1956) entamenèt la primièra seria d'Obres Completes a l'Editorial Selecta, que arribèt fins a vint-e-nòu volums e dins los que comencèt a publicar sos extraordinaris retraches titolats Homenots. La mòrt de l'editor de Selecta, Josep Maria Cruzet, interrompèt lo projècte de publicacion en 1962. A partir de 1966, las Edicions Destino inicièron tornarmai la publicacion de l'Obra Completa definitiva.

Pendent lo temps de interdicccion totala d'escritura en catalan dins l'estat espanhòl publiquèt en espanhòl: Guía de la Costa Brava (1941), Las ciudades del mar (1992), Viaje en autobús (1942), Rusiñol y su tiempo (1942), El pintor Joaquín Mir (1944), Un señor de Barcelona (1945) e La huida del tiempo (1945).

Ligams extèrnes[modificar | Modificar lo còdi]

Wikimedia Commons prepausa de documents multimèdia liures sus Josep Pla i Casadevall.