Illa de Nérmoutér

L'illa de Nermoster e sa situacion

L'illa de Nermoster o illa de Nermostèr (en peitavin Nérmoutér; en francés Noirmoutier) es 'na illa francesa dau golf de Gasconha situada dins lo departament de la Vendèa (85). 'La es liada au continent per 'na "chaussada submergiblha" 'pelada lo passage du Gois e, dempuèi 1971, per un pont. 'La es constituada de quatre comunas 'massadas en comunautat, la Communauté de communes de l'Île-de-Noirmoutier. Sa lonjor es de mai o moens 18 km, sa larjor varia de 500 metres a 12 km e sa superficia es de 49 km².

Geografia

Nérmoutér e lo Peitavin (en rosseu) dins l'espaci peitavin-sentongés

Toponimia

Noirmoutier s'escrivia autre temps Noirmoutiers. Lo nom peitavin-santongés de l'illa es Nérmoutàe / Nérmoutér (escrich Nermoster dins daus textes dau seglhe XIII). Queus noms venen dau latin in + Herio Monasterio que vau dire : « au monastèri d'Herus », Herus era lo nom latin de la partida septentrionala de l'illa (auèi l'« illa d'Her »).