Demografia de Romania
En 2011 (recensament oficial), las primièiras donadas balhèron 19 042 936[1] estatjants. Lo rectificatiu que compren de Romaneses emigrats foguèt establesit a 20 121 641. Aquò representa una baissa de las bèlas comparat a 2002 (21,680,974) o 1990 (quand la populacion èra gaireben de 23 300 000). Dempuèi la Revolucion de Nadal 1989, la demografia romanesa sofrís d'un flaquitge comparable a lo de la majoritat dels ancians païses comunistas d' Euròpa. Romania es tanben un païs d'emigracion sostenguda. Lo nombre d'emigrats entre 1991 e 2015 es estimat a unes 3 500 000 (siá una mejana anuala de mai de 100 000) amb mai de 2 000 000 en Itàlia e Espanha. I a tanben una petita comunautat romanesa en Occitània (Tolosa, Marselha, Niça).
Situacion actuala
[modificar | Modificar lo còdi]Evolucion istorica
[modificar | Modificar lo còdi]La populacion romanesa coneguèt una revolucion demografica important al sègle XIX e la populacion triplèt. A partir de las annadas 1960, la feconditat comencèt d'èsser flaca malgrat la politica natalista de Ceaucescu. Dempuèi 1992, lo salde natural es negatiu e lo salde migratòri son negatius e la populacion declina.
En 1800, la populacion dins lo territòri actual de Romania e en Moldavia èra estimada a unes 5 milions ( 2,5 milions per la Valaquia).
Atencion, las chifras seguentas, de 1866 a 1941, correspondon pas al territòri de uèi.
Evolucion dins l'encastre del Reialme de Romania (Muntenia, Oltenia e Moldàvia romanesa)
1866 4 424 961
1887 5 500 000
1899 5 956 690
1912 7 234 919
Evolucion de Romania Granda ( annexion de Transilvania e Bessarabia)
1930 18 057 028
1939 19 934 000
1941 13 535 757 ( pèrdia de Bessarabia e de Transilvania del Nòrd)
Territòri actual
Après la Segonda Guèrra Mondiala, Romania aguèt una populacion reducha. Se recuperèt Transilvania tota, mas Bessarabia foguèt annexada per l'URSS. De mai, a las pèrdias militaras cal apondre al quasi desaparicion dels Josieus ( 726 000 en 1930) e l'emigracion d' Alemands, d'Ongreses e de qualques Romaneses entre 1945 e 1949.
1948 15 872 624
1956 17 489 450
1966 19 103 163
1977 21 559 910
1992 22 760 449
2002 21 680 974
2011 20 121 641
Dempuèi 1991, 2 a 3 000 000 de Romaneses an emigrat (10 a 15% de la populacion). La diaspòra romanesa es plan importanta en Italia e Espanha ( 1 000 000 dins cada país), atal coma en Alemanha.
Etnias
[modificar | Modificar lo còdi]Romania es un païs relativament unit al ponch de vista etnic. En 2011, òm tròba 88,6% de Romaneses, las principalas minoritats essent los Ongreses (6,5%) e los Tziganes (3,2%).Lo demai (1,7%) es constituit per de pichons grops (Ucraïnians, Alemands, Russes, Turcs, Tatars, Serbo-Croats, Eslovacs...).
Aicí dejós las etnias de Romania segon lo recensament de 2011.
| Etnia | Nombre absolut | % |
|---|---|---|
| Romaneses | 16 792 868 | 88.9 |
| Ongreses | 1 227 623 | 6.5 |
| Romanis | 621 573 | 3.3 |
| Ucraïnians | 50 920 | 0.3 |
| Alemands | 36 042 | 0.2 |
| Turcs | 27 698 | 0.1 |
| Lipovans (Russes) | 23 487 | 0.1 |
| Tatars | 20 282 | 0.1 |
| Sèrbes | 18 076 | 0.1 |
| Eslovacs | 13 654 | 0.1 |
| Bulgars | 7 336 | 0.0 |
| Croats | 5 408 | 0.0 |
| Grècs | 3 668 | 0.0 |
| Josieus | 3 271 | 0.0 |
| Italians | 3 203 | 0.0 |
| Polacs | 2 543 | 0.0 |
| Chècs | 2 477 | 0.0 |
| Chineses | 2 017 | 0.0 |
| Csángós | 1 536 | 0.0 |
| Armenis | 1 361 | 0.0 |
| Macedonians | 1 264 | 0.0 |
| Autres | 18 524 | 0.1 |
| Cap de donada | 1 236 810 | 6.1 |
| Total[2] | 20 121 641 | 100.0 |
Majoritat romanesa
[modificar | Modificar lo còdi]Los Romaneses son majoritari levat dins los Comtats de Harghița e Covasna.
Minoritats ongresas
[modificar | Modificar lo còdi]En 2011, i aviá 1 227 623 Ongrese en Romania (6,5%).
Lor percentatge dins la populacion totala baissa regularament dempuèi 1918.
Dempuèi 1977, lor nombre baissa en chifras absoludas (1977:1 713 928, baissa 1977-2011: -27,8%).
La diminucion de la populacion es la dobla consequéncia d'una natalitat flaca e d'una emigracion plan importanta cap a Ongria.
Aquela situacion fa crénher la repeticion del scenari dels Saxons de Transilvania e explica una partida de las demandas formuladas per lo partit Uniunea Democrată a Maghiarilor din România (Union democrata dels Ongreses de Romania).
Los Ròms ( tanben sonats Romaní, Roma, indi: रोमानी, en romanés Țigan) son una populacion d'origina indoariana, establesida en Romania dempuèi gaireben 1 000 ans.
Los Alemands venguèron en Romania tre lo sègle XII. Lo recensament de 2011 ne trobèt sonque 36 884 ( èran 359 109 en 1977).
De consultar: Saxons de Transivania, Soabes de Banat, Alemands de Romania
Las autras minoritats
[modificar | Modificar lo còdi]Los estrangièrs
[modificar | Modificar lo còdi]Lengas
[modificar | Modificar lo còdi]Lo romanés es conegut per gaireben 98% de la populacion ( es la lenga mairala de mai de 90%). Qualques Ongreses lo parlan pas.
De consultar tanben: Lengas de Romania
Religions
[modificar | Modificar lo còdi]La populacion romanesa es tradicionalament ortodòxa. Los catolics e los protestants son subretot d'origina ongresa, alemanda o eslovaca. L'ateïsme es pauc present en Romania malgrat la propaganda comunista entre 1945 e 1991. Segon lo recensament de 2002, la populacion demòra largament ortodòxa. Los jusieus que representavan 4% de la populacion (728 215) en 1930[3] èran 3 271 en 2011.
- Ortodòxes — 86.7%
- Catolics — 4.7%
- Protestants — 5.3%
- Grecocatolics — 0.9%
- Musulmans — 0.3%
- Atèus — ~0.04%
- Cap de religion — 0.1%
- Autras o cap de declaracion 2%
Emigracion
[modificar | Modificar lo còdi]Dempuèi 1991 e la casuda del govèrn comunista, un nombre important (mai de 3 000 000) de ciutadans romaneses an emigrat especialament en Italia (933 954[4]) , Espanha (870 253[5]) e Alemanha (355 353[6][7]).
Nòtas e referéncias
[modificar | Modificar lo còdi]- ↑ Sorga: Institut national de statistica www.insse.ro
- ↑ https://web.archive.org/web/20160118131243/http://www.recensamantromania.ro/wp-content/uploads/2013/07/sR_Tab_8.xls |title= Rezultatele finale ale Recensământului din 2011 - Tab8. Populaţia stabilă după etnie – judeţe, municipii, oraşe, comune
- ↑ Recensament de 1930
- ↑ ISTAT 31/12/2012
- ↑ 2013
- ↑ 2014
- ↑ Cal tanben ajustar mai de 300 000 Romaneses d'origina alemanda naturalizats.