Daudèr de Pradas

Daudèr de Pradas
	;
Biografia
Naissença	sègle XIII
Mòrt	sègle XIII
Donadas personalas
Activitat
Camp de trabalh	Poesia
Profession	Trobador, poèta, compositor, escrivan e canonge
Activitat	1214–1282
Movement	Poesia trobadoresca e musica medievala

Daudèr de Pradas (primièra mitat del sègle xiii sègle xiii) foguèt un trobador occitan medieval nascut a Pradas de Salars en Roergue (primièra salvetat del Roergue creada per los monges de l'abadiá de Concas en 1110 (Daude de Pradas si fo de Rozergue d'un borc que a nom Pradas que es pres de la ciutad de Rodez quatre leguas...).

Èra eclesiastic a Rodés (Roergue) e foguèt un personatge important en lo moment de la Crosada albigesa, puèi que foguèt testimòni de las actas formalizadas entre l'avesque de Rodés, del qual foguèt vicari general e jutge sosdelegat, e Simon de Montfòrt.

Foguèt un trobador amb expression amorosa d'una simplicitat que comprometon pas jamai l'òme e que parla dels amants coma se foguèsson una categoria sociala, cançons al marge del trobar clus o trobar lèu. Se conservan d'el 19 poesias (entre elas, un planh per Uc Brunet) e lo tractat de falconeria Dels ausèls caçadors (3792 vèrses), aital coma una òbra morala intitulada Honestatz es e cortesiá, de las quatre vertuts cardinalas e consacrada a l'avesque Estève del Puèi de Velai, causa que lo permet de datar de 1220-30.

Se conserva la musica de 124,5 Belha me se la votz autana en lo cançonièr W.

Referéncias

Bibliografia

Martí de Riquer, Los trovadores. Historia literaria y de tèxtes. Barcelona: Ariel, 1983, vòl. 3, p. 1545-1549 [estudi, e edicion de la vida e d'una composicion, amb traduccion en espanhòl]
Robèrt Lafont e Christian Anatole (1973) Història de la literatura occitana, Dopesa, Barcelona.
Alfred Pillet / Henry Carstens, Bibliographie der Troubadours von Dr. Alfred Pillet [...] ergänzt, weitergeführt und herausgegeben von Dr. Henry Carstens. Halle : Niemeyer, 1933 [Daudèr de Pradas es lo numèro PC 65]
Guido Favati (editor), Le biografie trovadoriche, teste provenzali dei secc. XIII e XIV, Bologna, Palmaverde, 1961, pàg. 345
Martí de Riquer, Vidas y retratos de trovadores. de Textos y miniaturas del siglo XIII, Barcelona, Círculo de Lectores, 1995 p. 116-118 [Reproduccion de la vida, amb traduccion en espanhòl, e miniaturas dels cançonièrs A, E e K]
Larghi, Gerardo, Daude de Pradas trovatore, canonico e maestro (... 1191-1242 ...), in Cultura Neolatina 71, p. 23-54, 2011.

Vejatz tanben

Lista de trobadors e trobairitz

Ligams extèrnes

Òbras completas en trobar.org
http://troubadours.byu.edu/PC/PC-124/124%20-%20Daude%20de%20Pradas.htm
«Daudèr de Pradas», Gran Enciclopèdia Catalana, Barcelona: Edicions 62, en linha.