Cneorum tricoccon
Fuèlhas e flor
| Règne | Plantae |
|---|---|
| Division | Magnoliophyta |
| Classa | Magnoliopsida |
| Òrdre | Sapindales |
| Familha | Cneoraceae |
| Genre | Cneorum |
| Òrdre | Sapindales |
|---|---|
| Familha | Rutaceae |
La Camèla o garopa[1] (Cneorum tricoccon) es un arbrilhon mediterranèu de fuèlhas persistentas, un pauc semblablas a las de l'olivièr, de pichonas fuèlhas jaunas e de fruches roges formant tres clòscas (d'aquò li ven lo qualificatiu tricoccon). Autrescòps representant màger de la pichona familha de las Cneoracèas, es ara classificat dins las Rutacèas.
Ecologia e abitat
[modificar | modificar lo còdi]Aqueste arbrilhon buta dins l'Oèst del bacin mediterranèu, d'Espanha fins a Itàlia e gaireben sempre en sòls calcaris e per de rocalhas feblament boscadas (garriga). Es sovent associat amb de romanin o d'aladèrn.
- Florason: març a junh
- Pollinizacion: entomogama
- Espandiment: endozoocòr
Descripcion
[modificar | modificar lo còdi]Morfologia generala e vegetala
[modificar | modificar lo còdi]Es un arbust perenne, drech e de talha pichons (de 40 a 80 cm d'aut), fòrça ramificat, de ramas erigidas. Las fuèlhas son persistentas, coriàcias, sessilas, altèrnas, lanceoladas e lineàrias, gaireben glabras, sempre ascendentas o quilhadas; son alongadas, d'aperaquí 3 cm e 0,5 cm de larg: s'estrechan cap a la basa, ont s'inserisson dins las brancas.
Morfologia florala
[modificar | modificar lo còdi]Flors solitàrias o fins a tres amassa dins los axils de las fuèlhas superioras.
La florason se fa ntre los meses d'abril e de junh. Aquelas flors an tres (de còps quatre) petals d'aperaquí 5 mm e 3 o 4 estams. Los fruchs son d'uns 5 mm, compausats de tres tròces independents amb doas granas caduna, d'en primièr roges e negres quand son madurs.
Fruch e granas
[modificar | modificar lo còdi]Lo fruch es una drupa compausada en principi de tres còcas que remembran la capsula de las Euforbiacèas. Cada còca conten doas granas. De color roja, los fruchs venon sovent negres quand son madurs.
Referéncias
[modificar | modificar lo còdi]- Referéncia Tela Botanica (France métro) : Cneorum tricoccon (fr)Referéncia Tela Botanica (França metropolitana) : Cneorum tricoccon (fr)
- ↑ camello, garoupo Lo Tresaur dau Felibritge, Frederic Mistral