Chester Nimitz

Un article de Wikipèdia, l'enciclopèdia liura.
Chester Nimitz en 1945.

Chester William Nimitz (24 de febrier de 1885, Fredericksburg - 20 de febrier de 1966, Yerba Buena Island) es un amirau estatsunidenc de la Segonda Guèrra Mondiala.

Desirós de venir militar, intrèt a l'Academia Navala d'Annapolis e foguèt nomat sus un naviri participant a de missions en Extrèm Orient. Puei, venguèt un especialista dei sosmarins e foguèt afectat ais arsenaus de Nòva York. Durant la Premiera Guèrra Mondiala, foguèt ansin cap dei fòrças sosmarinas estatsunidencas de l'Ocean Atlantic. Après aqueu conflicte, recebèt lo comandament de la basa de Pearl Harbor avans de venir comandant d'un grop de sosmarins e d'una division de cuirassats. En 1938, foguèt nomat còntra-amirau.

En 1941, recebèt lo comandament de la flòta estatsunidenca dau Pacific. A partir de 1943, menèt amb lo generau Douglas MacArthur, leis ofensivas estatsunidencas que menèron a la destruccion de la màger part dei fòrças navalas japonesas. Lo 2 de setembre de 1945, recebèt l'onor de signar l'acte de capitulacion de l'Empèri Nipon. Puei, de 1945 a 1947, foguèt cap d'Estat-Major generau de la marina estatsunidenca mai se retirèt a la fin dau decenni en causa de desacòrdis politics amb l'administracion Truman.

En 1949, Nimitz foguèt nomat administracion dei Nacions Unidas en Cashmir. I preparèt lo vòte sus lo futur de la region previst per l'ONU. Pasmens, la mission mau capitèt en causa de la degradacion dei relacions entre Índia e Paquistan. De 1948 a 1956, foguèt egalament regent de l'Universitat de Califòrnia. Après sa mòrt, son nom foguèt donat a divèrsei naviris e luòcs prestigiós deis Estats Units.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]