Castèl d'Aguilar

Castèl d'Aguilar
	;
Donadas
Tipe	Castèl
Caracteristicas
Altitud	321 m
Localizacion geografica
Estat	França
Division territoriala francesa	França metropolitana
Region francesa	Occitània
Departament	Aude
Arrondiment francés	Arrondiment de Narbona
Canton francés	canton de Tuissan
Comuna	Tuissan
	monument istoric catalogat (1949); monument istoric inscrit (2023)
Visitaires anuals	8 041 (2014)

Lo castèl d'Aguilar es un castèl situat sobre un morrèl que domina la plana de Tuissan, dins lo departament d'Aude, region d'Occitània. Existissiá dempuèi lo sègle xii, mas la construccion contunhèt pendent los sègles xiii e xiv.

En 1020, lo castèl èra ligat a aquel de Tèrmes e apartenguèt als senhors de Tèrmes. Lo castèl barra lo pòrt de l'Extrèma, la val de Verdoble e lo Vingrau.

Fòrmas ancianas

Puiom quem dicunt Agilar en 1020, Castrum de Aguilario en 1241, De Aquilari en 1246, Fortalicia de Aguileriis en 1260, Puech d'Aguilar en 1311, Castel Guialla..., Guilla en 1692, Château d'Aguilard en 1781, Château Viala (cadastre), etc ^[1].

Istoric

L'epòca de la fortificacion del puèg d'Aguilar es desconeguda. Data d'abans lo sègle XI quand lo castèl venguèt la proprietat dels comtes de Tèrmes, vassals dels comtes de Carcassona. En 1246, aprèp la Crosada dels Albigeses, lo castèl foguèt annexat al domeni de França. Quilhat sus un bauç a 296 mètres de naut, lo castelar aquerit per Loís IX de França en 1262 constituissiá un punt de gaita e de defensa estrategic entre Lengadòc miègjornal e Aragon. En 1525, lo castèl es conquistat per Carles Quint e foguèt ocupat pels Espanhòls en 1543. Una garnison reiala francesa ocupèt los lòcs fins a la signatura del Tractat dels Pirenèus. Lo castèl alara se roïnèt pauc a pauc.

Es un dels "Cinc filhs de Carcassona" amb los castèls de Querbús, Puèglaurenç, Tèrmes e Pèirapertusa, totes situats al suc de puèges rocoses "imprenables".

Descripcion

Lo castèl es situat sul puèg de 96 mètres de naut en dessus la plana de Tuissan. Es compausat de dos barris separats per de liças. Los bestiments massat al centre de la segonda cencha son gareben totes demolits. La primièra cencha es compausada de sièis torres mièg circularas. Al centre, i aviá una torre donjon rectangulara, un còs pricipal e una sèrva d'aiga.