Cartinhan es la pus pichòta comuna de la Val Maira; plaçaa a 694 metres d’autessa, fai 175 abitants e es formaa da 14 ruaas e fracions, coma Chabriera, Chaudieras, Conh, Copet, Pasquier, Pont, Sant Bernard, Ugo.
Ent’un document del 1091 lo paìs es citat coma Cereanum, per la presença d’un merchat de cereals important per tota la valada, bela si es pus valida la derivacion da un nom gentilici roman Quartinius o Curtinius.
Cartinhan es estat lo solet centre de la Val Maira a èsser governat da un senhor feudal, drant lhi senhors de Valgrana, puei lhi conts de Turin, lhi marqués de Saluces e a la fin lhi Savòia, que donon lo feude ai Berardi de Sant Dumian. Carlo Emanuele I al temp de la repression de l’eresia protestanta confisca lo feude e lo dona ai Cambiano de Ruffia.
Las activitats econòmicas eron liaas a las pauras resorças del territòri: molins, fòrjas e una filanda liaa a la coltivacion di coquets. Cartinhan era decò estacion finala de la fluitacion di bions talhats en auta valada e puei campats en Maira per lo transpòrt. Un bòt eron esvilupaa decò las produccions de plats e ollas en terracuecha e de salam d’ase.
Piemont
Coni
.svg){kind=small}