Asturleonés
|
Asturllionés
| |
|---|---|
| Parlat en | Espanha, Portugau |
| Regions | Euròpa Occidentala |
| Parlat per | 100 000 personas |
| Classament pel nombre de locutors | ?ena |
| Tipologia | SVO |
| Familha lingüistica | lengas indoeuropèas > lengas romanicas > iberoromanic > asturleonés |
| Grop | indoeuropèu |
| Estatut oficial | |
| Lenga oficiala de | Miranda do Douro, Portugal |
| Acadèmia | Academia de la Llingua Asturiana |
| ISO 639-2 | ast (en) |
| ISO 639-3 | ast (en) |
| ISO 639-6 | ast (en) |
| Parent | aslc (en) |
| Tipe | L (lenga viva) |
| Mòstra | |
| Article primier de la Declaracion dei Drechs Umans Artículu 1 | |
L'asturleonés (nom autoctòn: asturllionés) es una varietat apertenent ai lengas romanicas. Se considèra siá coma una lenga independenta (segon la revendicacion locala e certanei lingüistas), siá coma un dialècte espanhòu (segon la lingüistica romanica tradicionala).
Se parla dins diferents territòris e i receu de noms diferents:
- Au nòrd-oèst d'Espanha.
- En Astúrias, ont lo nomman asturian o bable.
- Au nòrd e a l'oèst de Leon, ont lo nomman leonés.
- Dins l'oèst de Cantàbria, ont lo nomman montanhés o cantabre.
- Benlèu dins una franja d'Extremadura, ont lo nomman extremenc o castúo. Mai la classificacion de l'extremenc es discutida: d'unei lo veson un dialècte asturleonés, d'autres coma un dialècte castelhan. I a tres sosvarietats: l'aut-extremenc auriá gardat mai de trachs asturleonés, lo mejan-extremenc e lo bas-extremenc aurián mai de caracteristicas castelhanas.
- Dins una franja pichona de Portugau, a l'entorn de la vila de Miranda do Douro, ont es oficiau e lo nomman mirandés.
Certanei militants lingüistics asturleonés pretendon de maniera exagerada que lo dialècte eonaviego, parlat dins l'extrèm oèst d'Astúrias, seriá una forma d'asturleonés. En realitat, es clarament un dialècte galèc que ten quauquei trachs de transicion vèrs l'asturleonés mai que garda una dominacion fòrta dei trachs galècs.
