Arrondiment de Periguers
|
Arrondiment de Periguers
 | |||
|---|---|---|---|
| Administracion | |||
| País | França | ||
| Region | Nòva Aquitània 
| ||
| Departament | Dordonha 
| ||
| Còde INSEE | 243 | ||
| Prefectura | Periguers | ||
| Estatisticas | |||
| Populacion (2020) | 175 326 ab. (sens comptes dobles) 180 105 ab. (totala) | ||
| Superfícia | 2 869,3 km² | ||
| Densitat | 61,1 ab./km² | ||
| Subdivisions | |||
| Comunas | 143 | ||
| Identificants | |||
| |||
L’Arrondiment de Periguers es una division administrativa e una anciana division electorala [1] francesa situada en Perigòrd, dins lo departament de Dordonha e la region de Novela Aquitània, anteriorament d'Aquitània. La lenga autoctòna es l'occitan lemosin dins la varianta perigòrda e, dempuei la refòrma cantonala de 2014, aplicada en 2015, benleu per quauquas comunas, l'occitan lengadocian brageiragués. I a tanben dens lo canton de Senta Aulaia quauquas comunas totalament o parcialament francesas que parlan santongés.
Istòria[modificar | Modificar lo còdi]
L'arrondiment fuguet creat en 1800, coma los autres arrondiments francés. En 1926, recebet la totalitat de l'arrondiment de Rebairac, suprimit : los cantons de Moissídan, Montagrier, Montpaun, Nuòuvic, Rabairac, Senta Aulaia e Vertelhac. Lo nombre de cantons montet entau a setze. En 1973, lo canton de Periguers fuguet partit en tres e lo nombre de cantons de l'arrondiment passet a dietz-e-uech. Lo nombre de comunas èra de 196.
Emb la refòrma cantonala de 2014, aplicada en 2015, lo nombre de cantons fuguet devesit per dos, un canton novel pòt èsser sus dos arrondiments.
En 2017, modifiquèren la composicion daus arrondiments per 'mor de los adaptar aus limits de las intercomunalitats e de las circonscripcions legislativas.
L'arrondiment de Periguers ganhet 21 comunas que venian de l'arrondiment de Brageirac : Beuregard e Bassac, Belesmas, Campsègret, Clarmont de Beuregard, Dovila, Gleisanueva d'Eiçac, Eiçac, La Vaissièra), Las Leschas, Maurens, Montanhac de Cremsa, Molin Nuòu, Paunac, Sent Jòrgi de Montclar, Sent Alari d'Estiçac, Sent Joan d'Estiçac, Sent Joan d'Eiraud, Sent Júlian de Cremsa, Sent Martin de las Combas, Vau de Loira e Caudau e Vilamblard.
L'arrondiment perdet 28 comunas que passeren a l'arrondiment de Nontronh : Anlhac, Biràs, Bordelha, Brantòsme en Perigòrd, Brochau, Buçac, Charvés e Cubas, Clarmont d'Eissiduelh, Colòures, Cujac Auvesera Vau d'Ans, Eissiduelh, Eivirac, Janiç, Maiac, Negrondes, Preissac d'Eissiduelh, Sent Front d'Alems, Sent Gèrman daus Prats, Sent Jòri las Blos, Sent Marçau d'Aubareda, Sent Medard d'Eissiduelh, Sent Maimin, Sent Pantali d'Eissiduelh, Sent Rafeu, Sent Vincenç d'Eila, Salanhac, Cencenac e Puei de Forchas e Valuelh.
L'arrondiment perdet tanben 22 comunas que passeren a l'arrondiment de Sarlat e La Canedat :Ajac d'Aubaròcha, Aserat, Badafòu d'Ans, Barç, Boissuelh, Chornhac, Cosorn, Fòssamanha, Gabilhon, Granges d'Ans, Autafòrt, La Chapela Sent Joan, Limeirac, Montanhac d'Aubaròcha,Nalhac, Senta Aulaia d'Ans, Senta Orsa, Sent Trían,Telhòus, Lo Temple de Laguion, Tenon e Tortoirac.
Composicion d'aici a 2015[modificar | Modificar lo còdi]
- Canton d'Autafòrt
- Canton de Brantòsme
- Canton d'Eissiduelh
- Canton de Moissídan
- Canton de Montagrier
- Canton de Montpaun e Menesteiròu
- Canton de Nuòuvic (d'Eila)
- Canton de Periguers Centre
- Canton de Periguers Nòrd-Èst
- Canton de Periguers Oèst
- Canton de Rabairac
- Canton de Sench Astier
- Canton de Senta Aulaia
- Canton de Sent Peir de Chinhac
- Canton de Savinhac de las Gleisas
- Canton de Tenon
- Canton de Vern
- Canton de Vertelhac
Composicion dempuei 2017[modificar | Modificar lo còdi]
L'arrondiment compreniá 146 comunas en 2017. I a agut de las fusions de comunas desempuei.
Nòtas[modificar | Modificar lo còdi]
- ↑ d'aici a la fin de la Tresena Republica per los conselhiers d'arrondiment e per l'eleccion daus deputats