Alfred Nakache

Alfred Nakache, nascut lo 18 de novembre de 1915 a Constantina (Argeria) e mòrt lo 4 d'agost de 1983 a Cervera de la Marenda, èra un nadaire e jogaire de water-polo que son escais èra « Artem », o lo « nadaire d'Auschwitz ».

Biografia

Campion d'abans guèrra, de Constantina a Tolosa

Alfred Nakache es lo cabdèt dels onze enfants d'una familha josieva de Constantina. Pervenguèt a dominar sa paur de l'aiga e ganhèt en 1931, la copa de Noël de Constantine. En 1933, participèt a sos primièrs campionats de França, e anèt a París.

Als campionats de França 1934, terminèt 2ⁿ del 100 mètres nada liura enrè de Jean Taris e seleccionat dins l'equipa de França.

Participèt als preparatòris pels Jòcs Olimpics d'estiu de 1936. Als jòcs de 1936, dins un contèxte particular per aquel atlèta josieu terminèt 4ⁿ dins lo relai 4 x 200 nada liure amb Jean Taris, René Cavalero e Christian Talli davant l'Alemanha.

Daissèt son primièr club parisenc plan segur a causa d'injúrias racistas e antisemitas. Faguèt son servici militar a la basa aeriana 117 de París. En 1939 passèt l'examèn per venir professor d'educacion fisica coma sa femna Paule (nascuda El Bèze), tanben josieva.

A causa de las leis del Regim de Pétain, Nakache, perque josieu d'Argeria, foguèt descasut de sa nacionalitat francesa. Professors e josieus, el e sa femna deguèron s'enanar a Tolosa alara en zona libra. Venguèt alara licenciat als Daufins del TOEC de Tolosa jos la direccion d'Alban Minville. Pendent aquel periòde, aprochèt los malhums de resistents josieus.

Lo « nadaire d'Auschwitz »

Alara qu'èra un dels nadaires mai titulats del país foguèt denonciat per la pressa de collaboracion per antisemitisme. Foguèt fin finala enebit de bacin pendent los campionats de França de Tolosa en 1942, çò que provoquèt un boicòt del seus collègas del TOEC.

Arrèstat en novembre de 1943 foguèt deportat a Auschwitz aprèp un passatge a la preson de Sant Miquèl e Drancy. Foguèt separat de femna e filha (aprenguèt pus tard lor mòrt dins los camps). Mai tard foguèt transferit a Buchenwald puèi liberat a la fin de 1944 o cmençament de 1945.

Lo retorn del campion rescapat

Aprèp la guèrra, tornèt a Tolosa amb sa segonda esposa, coma professor d’éducation fisica a la facultat de drech e tornèt s'entrainar.

Retrobèt lo naut nivèl (campion de França e parit del recòrd del monde 3 × 100 m 3 nadas en 1946) e participèt als Jòcs Olimpics d'estiu de 1948 de Londres, coma nadaire del 200 m braça parpalhòl e membre de l’equipa de França de water-polo.Foguèt medalhat.

Aprèp una fin de carrièra a la Reünion, moriguèt lo 4 d'agost de 1983 alara que nadava dins lo pòrt de Cervera de la Marenda, es enterrat a Seta

Omenatge

Fòrça bacins franceses pòrtan son nom, que piscina municipala de Tolosa batejada atal per Raymond Badiou alara qu'èra deportat en 1944, e mai la piscina de Gentilly a Nancí, la piscina del quartièr del millenari a Montpelhièr e aquela de Belleville a París..

L’Estat d’Israèl li donèt a títol postum en 1993 lo Trofèu del Grand exemple, al Musèu de l'Espòrt Josieu Internacional.

Bibliografia (fr)

• Denis Baud, Alfred Nakache. Le nageur d'Auschwitz, collection Histoire, éditions Loubatières, 2009. ISBN: 9782862665917
• Christian Montaignac, « Alfred Nakache, Le Nageur d'Auschwitz » dans Étoiles fuyantes, la noblesse des maudits du sport, éditions Lattès, 2004.
• Laurence Munoz, Usages corporels et pratiques sportives aquatiques du XVIIIe au XXe siècle, ed:Éditions L'Harmattan

Ligams extèrnes

• Alfred Nakache - Yad Vashem (es)