1674

1674
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Ans : 1671 1672 1673  1674  1675 1676 1677 Decennis : 1640 1650 1660  1670  1680 1690 1700 Sègles : Sègle XVI  Sègle XVII  Sègle XVIII Millennis : Millenni I  Millenni II  Millenni III Cronologias tematicas : Arquitectura • Literatura • Teatre Autres calendièrs : Roman • Chinés • Gregorian • Ebrieu • Indó • Musulman • Persan • Republican

Aquesta pagina concernís l'an 1674 del calendièr gregorian.

Eveniments

França

Representacion de la batalha de Seneffe.

Perseguida de la guèrra d'Olanda. Après la formacion l'annada precedenta d'una aliança larga còntra lo país, lo comandament francés decidèt d'establir un front lòng d'Olanda a Alsàcia. Sei fòrças capitèron d'i conquistar unei vilas coma Colmar, Sélestat e Landau mai deguèron finalament faciar la pression de l'armada imperiala dirigida per Raimondo Montecuccoli. De mai, Anglatèrra se retirèt dau conflicte en causa d'una crisi intèrna entre lo rèi Carles II e lei parlamentaris que crenhavan una restauracion dau catolicisme dins lo Reiaume.

Dins lo corrent de l'estiu, lei combats aumentèron d'intensitat sus la frontiera èst. Lei Francés ocupèron Besançon (20 de mai) e Dole (7 de junh) sota la direccion dau marescau de Luxemborg. Per s'aparar còntra una ofensiva imperiala, Turenne passèt alora Ren e ganhèt la batalha de Sinsheim] (16 de junh). Puei, pilhèt totalament la region de Palatinat per terrorisar lei princes alemands susceptibles de jonher l'aliança olandesa. Sus la frontiera nòrd-èst, la retirada de la màger part dei fòrças francesas d'Olanda permetèt a Guilhèm III d'Aurenja Nassau d'organizar una ofensiva còntra París. Pasmens, sa temptativa foguèt blocada per Condé a la saunosa batalha de Seneffe (11 d'aost).