Mesolitic

Un article de Wikipèdia, l'enciclopèdia liura.

	Preïstòria	Protoistòria	Istòria
	Paleolitic Mesolitic Neolitic	Edat del Coire Edat del Bronze Edat del Fèrre	Antiquitat Edat Mejana Edat Modèrna

Edats preïstoricas
O	La Tène			Protoistòria
	Hallstatt
	Edat del Fèrre
	Bronze final
	Bronze mejan
	Bronze ancian
	Edat del Bronze
	Calcolitic
	Neolitic			Preïstòria
	Mesolitic / Epipal.
P	Paleolitic superior
	Paleolitic mejan
	Paleolitic inferior
	Paleolitic
	Edat de la pèira

Lo Mesolitic es lo periòde situat a la fin del Paleolitic Superior, coma transicion entre aquela epòca e lo periòde Neolitic, e sa data va tre 9000 avC fins a 6000 avC. Correnpond a l'epòca postglaciala, qu'i cambièt lo clima e las costumas, e per autant l'utillatge. Lo Mesolitic se divisa en doas fasas: l'Epipaleolitic (o fasa finala del Paleolitic) e lo Protoneolitic (periòde immediatament anterior al Neolitic o Edat dels metals). Pendent aquel periòde sorgisson los grands bòsques (degut a los cambiaments climatics) e los animals grands coma lo mamot, lo rinocèros lanut, l'ors de las cavèrnas. Lo rangièr migra. Per contra, cèrvi, lo maguri, lo sarrion, la craba de las montanhas, lo singlar e lo cabiròl aumentan lor numerò e venon las pèças de caça principalas pr'amor que los bòsques fan malaisida la caça de las pèças grandas. Se caçan tanben d'orses, de *renards [fr], de gats de las montanhas, de *blaireau [fr], d'autres mamifèrs pichons e d'ausèls. Lo cagaròl, pròpri dels climas umids e cauds, se multiplica e es manjat per milions. La pesca se desvolopa. L'òme pòt ara culhir una quantitat màger de fruches, doncas que fa pas de mestièr fòrça caça. Sortís de las balmas e bastís los primièrs luòcs d'abitacion ostals (de fusta e de plantas), pròche dels rius. Las costumas alimentàrias novèlas modifican las caracteristicas fisicas de l'òme dins lo Mesolitic. Pròche dels rius s'es trapat mai d'una rèsta apelada talhèr de silex (pèira per far de fuòc), que s'i fasián d'aisinas de caça. Per la caça s'utilizava principalament l'arc e las flechas. L'art rupèstre d'aquesta epòca representa de batalhas d'arquièrs e de combats còs a còs, d'òmes despolhats e de femnas qu'utilizan de faudetas acampanadas e que van despolhadas per dessús la centura, d'òmes amb de plumas sus la tèsta e de braçalets dins los braces, de femnas nautas e primas, de centura estrecha e de pelvis granda, de camas fòrtas e de popas grandas e flaccidas que lor arribava fins al ventre; lor *coiffure [fr] èra estrecha al centre e penjant cap als costats. Se crei que cada grop aviá un bruèis representat per una figura que portava d'adorns dins los jolhs e segurament tanben dins los braces. Se fan de balhs rituals (probablament de ritus de fertilitat o d'abondança).

Se desvolòpa la tecnica de caça per enrodament. Lo cuèr dels animals son tanben emplegats coma sacs. Los recintes fachs amb de pals de fusta per tal d'empresonar los animals será puèi l'origina de l'elevatge. Las femnas culhísson la mèl de las abelhas, mas contròtlen pas encara los eissams.

Atal, cal considerar aquesta fasa coma una fasa inicialament (Epipaleolitic) de caçaires-culheires (al començament subretot caçaires) e puèi (Protoneolitic) de pastres.