Edat del Coire
Un article de Wikipèdia, l'enciclopèdia liura.
 |
|||
|
Edat del Coire Edat del Bronze Edat del Fèrre |
L'Edat del Coire (var. Edat deu Coeire, Edat dau Coire), tanben apelat Calcolitic (de Χαλκός khalkos 'coire' + λίθος lithos 'pèira') es una fasa intermediària entre lo Neolitic (o l'Edat Modèrna de la Pèira) e l'Edat del Bronze. Correspond a mantuna cultura que presentan de caracteristicas clarament diferenciadas, dins lo periòde entre 2500 e 1800 avC. Lo bronze es un aliatge de coire e d'estanh e, abans d'utilizar lo bronze, s'utilizèt lo coire. Aquesta epòca es pas ben acceptada pr'amor que los primièrs coires èran generalament de bronze natural. Lo coire foguèt lo primièr metal qu'utilizèt l'èsser uman fa aproximativament 5000 ans, a la fin del Neolitic. L'utilizacion del coire dins la Peninsula Iberica se generaliza fa 4000 ans, en coincidissent amb los bastiments megalitics e la cultura del vas campanifòrme, representativa d'aquestas culturas calcoliticas e que se caracteriza per la decoracion per zonas. Una autra cultura caracteristica del Calcolitic es la Cultura de la ceramica cordada originària del nòrd d'Euròpa. Las doas culturas se desplacèron dempuèi lors implantaments originaris e emigrèron, benlèu butadas, cap a Euròpa (França e Alemanha). Lo periòde calcolic es tanben apelat Eneolitic, coma o preferisson los arqueològs italians.
