Neolitic
Un article de Wikipèdia, l'enciclopèdia liura.
 |
|||
|
Paleolitic Mesolitic Neolitic |
Lo Neolític (del grèc νέος, néos 'novèl', e λίθος, líthos 'pèira') es un periòde de la preistòria que i aguèron luoc d'innovacions d'una transcendéncia granda: los èssers umans descobriron l'agricultura e l'elevatge e venon sedentaris. Aquel tèrme foguèt prepausat en 1865 per l'istorian John Lubbock. Lo nom fa referéncia a lo biais novèl de trabalhar las aisinas de pèira, qu'*en *plus *de [fr] percutidas, son tanben bèlas. Aquela foguèt una apòca de cambiaments economics, coma l'aparicion de l'excedent de produccion, socials e culturals. Aquel periòde long se devisa generalament en tres fasas: lo neolític inicial, lo mejan e lo final.
Après d'epòcas longas de clima fòrça fred vengueron de sasons de clima caud que comportèron la creacion de terrassas fluvialas, l'aument del nivèl de l'aiga de la mar e dels rius... Las principalas innovacions tecnicas son la generalizacion de l'utillatge de pèira polida e del vas de ceramica. Dins cèrtas regions, aquestes importants cambiaments son relativament rapids e mai d'un autor a pogut parlar de revolucion neolitica. La neolitization es ça que la un fenomèn progressiu, subrevengut a datas desparièras segon las regions. En Orient Mejan, lo Neolític comença al torn de 9 000 abC. Acaba amb la generalizacion de la metallurgia e l'invencion de l'escritura, al torn de 3 300 abC.
