Un article de Wikipèdia, l'enciclopèdia liura.
L'Edat de la Pèira es una etapa de la Preïstòria. Dins l'Edat de la Pèira, i a doas epòcas importantas: lo Paleolitic (que significa « pèira anciana ») e lo Neolitic (que significa « pèira novèla »). Recentament se'n fa una division pus precisa: Paleolitic, Mesolitic (del grèc μεσος, mesos « mejan »; e λίθος, líthos « pèira ») e Neolitic. L'Edat de la Pèira comencèt amb los primièrs ominids del genre Homo que talhèron la pèira (lhomo habilis...), i a entre 1,9 e 1,6 milions d'ans. A l'Edat de la Pèira seguís l'Edat del Bronze, que segon las zònas aguèt luòc entre 6000 e 2500 aC. Lo Paleolitic es l'epòca dels caçaires e culheires de frutas, tijas e canas, dels umans nomadas e de l'utilizacion d'aisinas en pèira o en òs. Los umans del Paleolitic comencèron tanben de far d'explicacions magicas de mantuna causas: la vida e la mòrt comencèron de s'explicar pels bruèis de las tribús a travèrs de rituals.
