Rangièr
Un article de Wikipèdia, l'enciclopèdia liura.
 Rangièr |
|||||||||
|---|---|---|---|---|---|---|---|---|---|
 |
|||||||||
| Un rangièr dins son abitat natural | |||||||||
| Classificacion classica | |||||||||
| Règne | Animal | ||||||||
| Embrancament | Chordata | ||||||||
| Sosembr. | Vertebrata | ||||||||
| Classa | Mammalia | ||||||||
| Sosclassa | Theria | ||||||||
| Infraclassa | Eutheria | ||||||||
| Òrdre | Artiodactyla | ||||||||
| Familha | Cervidae | ||||||||
| Sosfamilha : | Capreolinae | ||||||||
| Genre | Rangifer | ||||||||
| Nom binomial | |||||||||
| Rangifer tarandus (Linnaeus, 1758) |
|||||||||
|
|||||||||
Percorrètz la biologia sus Wikipèdia :
|
|||||||||
Lo rangièr (var. rangier, rangèir), o rèn, conegut coma caribó en America del Nòrd, es un tipe de cèrvi (concretament Rangifer tarandus) qu'abita en Artica e dins las regions subarticas.
Somari |
[modificar] Abitat
Los rangièrs se trapan en mantuna zòna d'Escandinàvia (inclusa Islàndia), en Russia, Groenlàndia, Canadà e Alaska. En 1952 foguèron reïntrodusits en Escòcia ont s'èran estenches al sègle X. Lo rangièr adometgit se trapa principalament al nòrd d'Escandinàvia e de Russia, mentre que lo salvatge se trapa principalament en America del Nòrd, Groenlàndia e Islàndia.
[modificar] Anatomia
Lo pes de la femèla oscilla entre los 60 e 170 kg. Dins mantuna sosespècia de rangièr lo mascle es un pauc pus grand, dins d'autras lo mascle pòt aténher los 300 kg. Dins los dos sèxes li creisson de banas. La casuda de las banas pels mascles vièlhs (de la varietat escandinava) es en decembre, pels mascles joves a la prima e per las femèlas pendent l'estiu. Los rangièrs domètges an de patas pus cortas e son pus pesucs que sos cosins salvatges. Son romiaires, e an un estomac de quatre cavitats. Principalament manjan de liquèns en ivèrn. Ça que la, tanben manjan las fuèlhas de sauses e beç, tant coma d'èrbas. Tanben pòdon manjar de rats de camp, de lemmings (lemmus lemmus), d'aucèls e d'uòus d'aucèl.
[modificar] Populacion
A l'estat salvatge emigran en formant de grandas manadas de lors abitats de naissença a lors abitats d'ivèrn. Lors batas largas los ajudan a se mòure per la nèu o la tondra, e tanben quand nadan. Aproximativament un milion vivon en Alaska, e un nombre similar abita en Canadà. S'es estimat un nombre de cinc milions en Eurasia, principalament adometgits. Los mascles normalament se separan de la manada e son solitaris, e demòran principalament de femèlas, çò qu'afavorís las manadas matriarcalas.
[modificar] Lor preséncia dins la cultura
Los rangièrs se remarcan per lor preséncia dins la cultura nadalenca, a travèrs dels mitics rangièrs nadalencs, que s'encargarián de lançar la lisa del Paire Nadal.
[modificar] Ligams
