Manifestacion per l'occitan

Un article de Wikipèdia, l'enciclopèdia liura.
Anar a : navigacion, Recercar


La Manifestacion per l'occitan Ltspkr.png apelada Anem! Per la lenga occitana, òc! Ltspkr.png es una manifestacion organizada per lo collectiu Anem Òc.

Aquel collectiu es constituit de las principalas associacions occitanas (Institut d'Estudis Occitans, Felibritge, FELCO, Calandreta, Òc-Bi e Conselh de la Joventut d'Òc). De collectius locals son presents dins fòrça departaments.

Las manifestacions an per objectiu d'agandir la diversitat lingüistica e culturala en França e dins lo mond e de demandar a l'Estat una politica publica per la lenga occitana.

Per ara son tres las manifestacions que son estadas fachas (dos còps a Carcassona e un a Besièrs). La quatrena es prevista per 2012 a Tolosa.

Manifestacion de Carcassona del 22 d'octòbre de 2005[modificar | modificar la font]

La manifestacion per la lenga occitana de Carcassona foguèt un grand succès popular, qu'entre 8000 e 12 000 personas i èran presentas. Lo cortègi partiguèt del jardin André Chenier per arribar a la Ciutat de Carcassona. A la fin de la manifestacion, las personas cantèron Se canta. Aprèp la manifestacion, una granda fèsta, amb divèrses grops de musica, s'organizèt a Vilagalhenc. Lo mond occitanista parla d'un abans e aprèp la manifestation de Carcassona.

Fotografias de la manifestacion de Carcassona[modificar | modificar la font]

Manifestacion de Besièrs del 17 de març de 2007[modificar | modificar la font]

Mai de 20 000 personas manifestèron per faire dintrar las lengas minorizadas dins l'eleccion presidenciala e per sosténer la lenga e la cultura occitana. La tòca èra de demandar la modificacion de l'article 2 de la Constitucion francesa e la ratificacion de la Carta Europèa de las Lengas Regionalas o Minoritàrias.

Aquela manifestacion foguèt marcada per la preséncia del Felibritge e de son capolièr que diguèt dins son parladís que lenga d'òc e occitan èran dos tèrmes sinonims. Tanben, mantun òme o femna politic èra present coma lo cònsol de Tolosa Jean-Luc Moudenc o la candidata a l'eleccion presidenciala dels verds, Dominique Voynet e mai los representants del autres candidats.

De delegacions bretonas, catalanas, bascas e còrsas portèron lor sosten.

Aprèp la manifestacion, una granda fèsta organizada per l'associacion Gardarem la Tèrra, amb divèrses gropes de musica, se debanèt dins las arenas de Besièrs. Amb aquela mobilizacion, lo movement occitanista mòstra qu'es pas un movement marginal.

Fotografias de la manifestacion de Besièrs[modificar | modificar la font]

Manifestacion de Carcassona del 24 d'octòbre de 2009[modificar | modificar la font]

Mai de 25 000 personas participèron a la manifestacion. De notar tanben la preséncia de fòrça òmes politics entre los quals : Gustau Aliròl (President de Regions e Pòbles Solidaris e del Partit Occitan), Eric Andrieu (Vicepresident de la Region de Lengadòc-Rosselhon, encargat de l'occitan e de las politicas territorialas), José Bové (Eurodeputat), Martin Malvy (President de la Region de Miègjorn-Pirenèus), Gerard Onesta (èx Viceresident del Parlament Europèu), Sylvain Pastor (Conselhièr regional de Lengadòc-Rossilhon), Remèsi Pech, (Conselhièr regional de Miègjorn-Pirenèus encargat de l'occitan), Jean-Claude Pérez (Cònsol de Carcassona) René Ricarrère (Conselhièr regional d'Aquitània encargat de l'occitan) Jean-Charles Valadier (Adjunt a la comuna de Tolosa, encargat de l'occitan e de l'amainatjament),

Fotografias de la manifestacion de Carcassona[modificar | modificar la font]

Ligams extèrnes[modificar | modificar la font]