Se canta

Un article de Wikipèdia, l'enciclopèdia liura.
Anar a : navigacion, Recercar

Se canta Ltspkr.png (var. Se chanta, Se canti) o Aquelas montanhas (var. Aqueras montanhas ; Aqueres montanhes ; Aquelei montanhas ; Aqueli montanhas) o La font de Nimes (var. La fònt de Nimes ; la hont de Nimes) o Montanhes Araneses es una cançon tradicionala occitana espandida dins tota Occitània. La tradicion l'atribuís a Gaston Fèbus. Es considerada coma l'imne occitan. I a un fum de versions, segon los dialèctes e las regions[1][2].

Una version adaptada a la Val d'Aran i es imne oficial jol nom Montanhes araneses. Existís tanben una version aragonesa de la cançon, sonada Aqueras montanyas qu'es estada adaptada e interpretada pel grop Biella Nuei e puèi, entre d'autres, pel cantautor e escrivan militant José Antonio Labordeta.

Exemple de version lengadociana[modificar | modificar la font]

Cobèrta de la particion d'una version de la cançon

Dejós ma fenèstra
I a un auselon
Tota la nuèch canta
Canta sa cançon.

Repic :

Se canta que cante
Canta pas per ieu
Canta per ma mia
Qu'es al luènh de ieu.

Aquelas montanhas
Que tan nautas son
M'empachan de veire
Mas amors ont son.

Aquelas montanhas
Tard s'abaissaràn
E mas amoretas
Se raprocharàn.

Baissatz-vos montanhas
Planas, levatz-vos
Per que pòsca veire
Mas amors ont son.

Al fons de la prada
I a un píbol traucat
Lo cocut i canta
Benlèu i a nisat.

Ligams extèrnes[modificar | modificar la font]

Nòtas[modificar | modificar la font]

  1. (fr)SE CANTO - A LA FONT DE NIMES
  2. (fr)Musique : Analyse d'œuvres