Agéncia Espaciala Europèa

Un article de Wikipèdia, l'enciclopèdia liura.
Logò de l'ESA.

L'Agéncia Espaciala Europèa (en anglés European Space Agency, ESA ; en francés Agence Spatiale Européenne, ASE) foguèt creada en l'an 1975. Es una organizacion intergovernamentala consacrada a l'exploracion de l'espaci. Actualament 18 Estats participan al projècte, e lo seu sèti es a París, França. L'agéncia a un personal de 1900 trabalhadors, sens comptar las entrepresas jos contractes, e un budgèt de 3 000 000 000 èuros (2005).

  • La plataforma de lançament de l'ESA es lo Centre espacial de Guaiana a Kourou, Guaiana Francesa, un luòc causit pr'amor de la proximitat amb l'Eqüator, dempuèi ont se pòt accedir pus facilament a las orbitas comercialas. Pendent l'èra d'Ariane 4, l'ESA ganhèt la posicion de cap del mercat, e es actualament lo competitor mai important de la NASA per exploracion de l'espaci.
  • Las missions scientificas de l'ESA an una basa a l'ESTEC de Noordwijk, Païses Basses,
  • las missions d'observacion de la Tèrra son a l'ESRIN a Frascati, Itàlia,
  • lo contraròtle de missions (ESOC) es a Darmstadt, Alemanha,
  • lo Centre Europèu d'Astronautas (EAC), qu'entrena los futurs astronautas es a Colonha, en Alemanha.
  • l'ESAC, lo Centre Europèu d'Astronomia Espaciala, localizat a Villanueva de la Cañada, Madrid, Espanha es lo centre ont se menan a tèrme las operacions scientificas de las missions d'astronomia e planetàrias de l'ESA, en mai de la recompilacion, l'archivatge e la distribucion de las donadas obtengudas per la comunitat scientifica

Membres[modificar | Modificar lo còdi]

Membres de l'ESA

L'ESA es formada de las organizacions espacialas e autras entitats de 18 païses:

Se prevei l'arribada d'autres païses que se son jonches recentament a l'Union Europèa.