Wikipèdia:Convencions d'estil

Un article de Wikipèdia, l'enciclopèdia liura.
Acorchi [+]
[[WP:CdS|WP:CdS]]

Las convencions d’estil utilizadas sus Wikipedia an per objectiu d'assegurar una coeréncia visuala e estructurala entre totes los articles, e mai de permetre una comprension mai aisida dels articles. S'agís pas que de convencions, e es probablament impossible de conclure qu'un estil es melhor qu'un autre, mas se tot lo mond (o la majoritat) seguís a pauc prèp las meteissas règlas d’estil, los articles o ganharàn en clartat de lectura, d'escritura e d'edicion.

Podètz tanben consultar Cossí modificar una pagina, que vos explicarà cossí utilizar los estils. Convencions tipograficas vos explicarà quora utilizar tala o tala convencion. Aquesta pagina a puslèu per objectiu un angle de vista « construccion de l'article »

Cossí amodar un article ?[Modificar lo còdi]

Un article començarà de preferéncia per una introduccion corta o una definicion, reprenent lo títol de l'article. La primièra mencion del subjècte de l'article se metrà en caractèrs gras.

Per exemple :

Lo Karaté dô (空手道) es un art marcial japonés. En lenga japonesa, « kara » significa void, « te » man e « dô » la via (lo camin), çò que significa doncas « La via de la man voida ».
Una lenga aglutinanta es una lenga ont los mots son formats en « empegant » al radical d'afixes de tal biais que las frontièras entre los morfèmas demòren plan netas e que cada morfèma corresponda a un sol trach esquemantic o foncional.

Pels articles portant sus de personas, lo nom de la persona serà indicat en gras, e la linha d'introduccion indicarà sas datas de naissença e de decès (s'es apropriat) amb totas las letras.

Per exemple :

Maurice Papon (nascut a Gretz lo 3 de setembre de 1910) es un òme politic e naut foncionari francés, condemnat en 1998 per complicitat de crime contra l'umanitat, per d'actes comeses coma foncionari del Govèrn de Vichèi.

o

Jacques-Yves Cousteau (11 de junh de 1910, Sant Andrieu de Cubzac França - 25 de junh de 1997, París) oficièr dins la marina francesa, oceanograf, internacionalament conegut coma lo comandant de la Calypso.

Quand lo tèma de l'article tracha de mantun nom, se vestiràn totes los noms de negre dins la primièra linha de definicion de l'article

Las eubacterias o vertadièras bacterias son d'èssers vivents procariòtas.

De discutir

D'ajustar : definicion tèrme femenin, masculin

Cossí apondre un messatge d'avertiment ?[Modificar lo còdi]

Los messatges d'avertiment devon èsser:

  • situats a la cima de l'article, los uns jols autres en cas que n'i aguèsse fòrça,
  • precedits per una mencion nòta o avertiment segon l'importància del messatge,
  • escriches en caractèrs pichons (amb l'ajuda de la balisa <small>),
  • sens encastre, ni mesa en pagina (centre, drecha, esquèrra, etc.),

Estructura d'un article[Modificar lo còdi]

Se recomanda, mai que mai per çò qu'es dels articles plan tecnics, de començar amb una partida de vulgarizacion, per tal de permetre als començaires d'aquesir d'unas coneissenças sus la tematica donada, puèi de dintrar sonque dins las parts mai tecnicas.

Un article deu èsser estructurat per un decopatge logic apropriat de la forma :

== Seccion 1 ==
=== Sosseccion 1 ===
=== Sosseccion 2 ===
== Seccion 2 ==

A l'interior d'una partida, lo paragraf demòra l'unitat de basa.

En cap de cas las listas amb de piuses devon pas se substituir a aqueste tipe de decopatge : servisson unicament a enumerar una seria de punts non susceptibles d'èsser desvolopats (per exemple una lista d'ingredients per una recèpta). Coma un article enciclopedic a per vocacion de desvolopar exaustivament los punts qu'abòrda, de talas listas n'i an doncas pas qu'ocasionalament lor plaça e devon de tot biais ne respectar las règlas tipograficas.

Vejatz tanben[Modificar lo còdi]