Wikipèdia:Règlas d'utilizacion dels imatges

Un article de Wikipèdia, l'enciclopèdia liura.
Anar a : navigacion, Recercar
Acorchi [+]
[[WP:RUI|WP:RUI]]

Aquesta pagina presenta las etapas de l'insercion d'un imatge dins l'enciclopèdia, e tanben divèrsas entresenhas importantas.

La sola dificultat veritabla es de garantir Wikipèdia contra tota perseguida per infraccion al drech de difusion dels imatges.

Tot imatge que presenta pas aquestas garantidas dins sa pagina de descripcion pòt èsser prepausat a la supression per qual que siá. L'imatge es alara inscrich per un maximum de sèt jorns dins Imatges de suprimir en esperant de justificacions e/o una decision comuna.

Es pas possible d'afichar un imatge jos fòrma de ligam extèrne dins Wikipèdia. Aquò per dire de limitar los problèmas de vandalisme, los problèmas de dreches e mai los problèmas de ruptura de ligam.

Lo projècte Commons a per tòca de recampar dins un luòc comun de contenguts liures, comprenent d’imatges, de musica, de tèxtes escriches e parlats, que poguèsson èsser utilizats dins totes los projèctes Wikimedia (dont Wikipèdia, quina que siá la lenga). Es doncas mai interessant d'inserir d’imatges sus Wikicommons, lo principi demorant lo meteis qu'una insercion locala sus la Wikipèdia en occitan.

Pasmens, Commons a de règlas mai restrictivas sus d’unas illustracions. Lo cargament en local es donc necessari per contenguts coma los logotips, los escuts e blasons, las monedas e sagèls. Veire la politica d’excepcions al drech d’autor.

Procedura de cargament e d'insercion d'un imatge[modificar la font]

Questions prealablas[modificar la font]

  • S'interrogar sus l'estatut juridic de l'imatge, valent a dire lo mai sovent suls dreches eventuals ligats a sa difusion mas tanben suls dreches ligats al subjècte fotografiat.
  • Demandar tota autorizacion necessària.
  • Se se tracta d'una creacion personala, causir una de las licéncias compatiblas amb la GNU FDL. Vejatz pus luènh.
    • La simpla informacion que l'imatge es estat copiat d'una autra version lingüistica de Wikipèdia sufís pas. Dins aqueste cas, indicar la licéncia de l'imatge original.
  • Preparar l'etapa de descripcion de l'imatge. Per vos ajudar dins aquesta analisi que participa a la valor de l'imatge e als respèctes de las règlas, podètz utilament percórrer la pagina Descripcion d'un imatge.

Preparacion del cargament[modificar la font]

  • Causir un nom d'estocatge per aqueste imatge

Cal utilizar un nom especific per l'imatge per que dintre pas en conflicte amb d’autres imatges ja cargats.

Es pas indispensable que lo nom siá fòrça legible o fòrça descriptiu, perque un autre nom li poirà èsser substituit dins l'article. Sapiatz çaquelà que lo nom pròpriament dich se poirà modificar sens l'intervencion d'un administrator. Inscrivètz dins aqueste cas vòstre imatge dins la lista dels fichièrs de renomenar.

Preparar sus l'ordinator una còpia del fichièr imatge amb lo nom d'estocatge causit (o renomenar lo fichièr original en consequéncia).

  • Recampar las principalas indicacions sus l'origina de l'imatge (crèdits) : precisions sul subjècte, la data de creacion e autras entresenhas utilas per son interpretacion o espleita pel lector de l'enciclopèdia. Pensatz als mercejaments eventuals !
  • Verificar la conformitat tecnica de l'imatge amb los besonhs de l'enciclopèdia. Vejatz pus luènh ...

Cargament[modificar la font]

Lo transferiment de l'imatge sul servidor del Wikipèdia occitan s'efectua a partir del formulari d'aquesta pagina (valent a dire la pagina Importar un imatge).

Notatz que la redaccion de la pagina de descripcion se pòt far tre lo cargament en respectant la sintaxi en exemple çai jos, mas es tanben simple de se contentar de la legenda e de la licéncia, puèi de completar un còp lo cargament acabat.

Usatge del formulari

  1. Camp Nom : nom complèt d'estocatge de l'imatge sus l'ordinator ;
  2. Camp Descripcion : exemple Lo Mont-Saint-Michel {{Domeni public}} Fòto personala presa a la marèa d'equinòcci de setembre de 2000. S'obsèrva ... [Atencion : los 250 primièrs caractèrs d’aqueste camp se van plaçar dins lo resumit de l'importacion (istoric de l'imatge), alara que la totalitat va emplenar la pagina de descripcion, modificabla per la seguida].
  3. Casa de marcar Declari ... : obligatòria ; engatja vòstra responsabilitat en çò que pertòca los dreches de l'imatge ;
  4. Boton Copiar un fichièr : valida lo formulari e lança lo cargament ;
  5. Boton Percórrer : facultatiu, dobrís la fenèstra de dialòg de vòstre sistèma operatiu per la dobertura dels fichièrs.

Se vòstra connexion es lenta, l'operacion pòt prendre un bèl temps.

En cas de succès del cargament, l'utilizaire n'es informat per un messatge recordant en particular lo nom de l'imatge transferit. I a en principi pas d'autra operacion d'efectuar a aqueste estadi, sufís de cercar l'article que deu conténer lo ligam vèrs aqueste imatge.

Insercion de l'imatge[modificar la font]

Sufís de crear un ligam dins l'article concernit : los paramètres d’aqueste ligam permeton de reglar en particular la talha d'afichatge de l'imatge, se la talha reala es pas immediatament utila o per limitar lo temps de cargament de la pagina.

Escritura del ligam : « imatge » o « Imatge » es indiferent, mas sensible a la cassa : escriure per exemple « .JPG » e non pas « .jpg » segon lo nom de l'imatge cargat.

Ligam elementari

Editatz l’article que l'imatge deu illustrar e picatz [[imatge:nom_de_vòstre_imatge]]. Exemple : [[imatge:frança_torre_eiffel.jpg]].

Ligam amb paramètres

Utilizatz l'atribut thumbnail, e mai un nom servent de legenda a l'imatge. Exemple : [[Imatge:frança_torre_eiffel.jpg|thumbnail|Imatge de la Torre Eiffel]]

Podètz crear un ligam vèrs vòstre imatge en defòra de son article, picatz [[media:nom_de_vòstre_imatge|tèxt_del_ligam]]. Exemple : [[media:frança_torre_eiffel.jpg|Imatge de la Torre Eiffel]].

Un paramètre complementari règla la talha de la miniatura, per exemple : [[Imatge:frança_torre_eiffel.jpg|thumbnail|250Px|Imatge de la Torre Eiffel]]

Descripcion de l'imatge[modificar la font]

Utilizar las entresenhas acampadas abans l'importacion per entresenhar la pagina de descripcion de l'imatge. L'article contendrà atal unicament l'imatge e sa legenda, la descripcion complèta estant accessibla en clicant sus l'imatge.

Doblidetz pas de precisar l'estatut juridic amb l'ajuda de la licéncia e l'origina de l'imatge.

Se l'imatge proven d'una autra wikipèdia, indicatz lo ligam complèt vèrs la pagina de descripcion de l'imatge duplicat.

Atencion de pas plaçar d’imatge dins la pagina de descripcion de l’imatge, qu'es reservada al tèxt.

Astúcias : vejatz infra.

Cas particular : modificacion d'un imatge inserit[modificar la font]

La solucion pus simpla es d'importar l'imatge modificat amb lo meteis nom d'estocatge que la version anteriora. Lo servidor vos indica alara qu'un imatge pòrta ja aqueste nom. Sufís alara de confirmar la modificacion de l'imatge.

Qualques navegadors ratifican pas sulcòp la modificacion (problèma d'amagatal). Una pichona reactualizacion e/o un Ctrl F5 tracta lo problèma. En cas de remòrs, es totjorn possible de restablir una version anteriora en anant dins l'istoric de l'imatge.

Podètz totjorn tanben inscriure l'imatge dins la lista de las paginas de suprimir en justificant simplament vòstra demanda.

Drech dels imatges (Copyright)[modificar la font]

Generalitats[modificar la font]

Lo drech d'autor s'aplica a tota òbra ont la vision de son autor transpareis. Aquò exclutz automaticament tot scan o fòto precisa e exclusiva d'una òbra iconografica.

  • Asseguratz-vos que l'imatge proven plan d'una font compatibla amb la licéncia de documentacion liura GNU en aplicacion sus Wikipèdia. Revejatz al besonh la licéncia Wikipèdia, e mai Wikipèdia:Copyright. Ben evidentament, s'aqueste imatge es vòstre, i a pas cap de problèma (exceptat se se tracta de la fòto d'una òbra, un bastiment recent per exemple (Drech a l'imatge d'un arquitècte).
  • Defugissètz las marcas e autres efièches publicitaris sus las fòtos se son manifèstes.
  • Defugissètz las fòtos de personas exceptat s'avètz lor autorizacion.

Dreches d'autor dins las arts visualas per França[modificar la font]

L'ADAGP es una societat francesa de gestion collectiva dels dreches d'autor dins las arts visualas (pintura, escultura, fotografia, design, multimedia, …). Son site (www.adagp.fr) prepausa una banca de donadas en linha que permet de saber se la representacion de las òbras d'un artista es somesa al pagament de dreches. Lo site dona tanben las adreças dels sites de societats sòrres a travèrs lo monde, caduna administrant e aplicant los dreches relativament a las leis en vigor dins cada país. Atencion : l'òbra es pas forçadament una òbra d'art mas pòt èsser un objècte manufacturat e de granda difusion (un mòble per exemple !) I a tanben doas informacions de considerar : la fòto pròpriament dicha e son autor, l'òbra representada e son autor … Conven doncas d'èsser fòrça prudent sus las reproduccions presentadas sus un sit, quitament se la vocacion d'aqueste es unicament educativa e se i a pas cap de tòca lucrativa. Un exemple fictiu del tot protegit : una fòto de Doisneau representant Picasso assetat sus una cadièra de Gerrit Rietveld davant una de sas òbras…

Licéncia dels imatges[modificar la font]

Licéncia Utilizacion
Licences creative commons
CC-BY {{CC-BY}}
CC-BY-ND {{CC-BY-ND}}
CC-BY-ND-NC {{CC-BY-ND-NC}}
CC-BY-NC {{CC-BY-NC}}
CC-BY-NC-SA {{CC-BY-NC-SA}}
CC-BY-SA {{CC-BY-SA}}
CC-BY-SA France {{CC-BY-SA FR}}
CC-BY-SA Belgique {{CC-BY-SA BE}}
CC-BY-SA Canada {{CC-BY-SA CA}}
CC-ND {{CC-ND}}
CC-ND-NC {{CC-ND-NC}}
CC-NC {{CC-NC}}
CC-NC-SA {{CC-NC-SA}}
CC-SA {{CC-SA}}
Domeni public
Domeni public {{Domeni public}}
Domeni public USA {{Domeni public USA}}
Domeni public URSS {{Domeni public URSS}}
Licéncias GNU
GPL {{GPL}}
LGPL {{LGPL}}
Licéncia Art Liure
ArtLiure {{ArtLiure}} <Annada> <Autor> (lo nom dels autors precedents se n'i a)
Atribucion
Atribucion {{Atribucion}} <Autor>

Las licéncias seguentas restrenhon cèrts tipes d'utilizacions. Se devon doncas defugir dins la mesura del possible, d'aitant mai que lor acceptacion o non dins wikipèdia es totjorn en debat.

Licéncia Utilizacion
Copyright
Fair use {{Fair use}}
Corta citacion àudio {{Corta citacion àudio}}
CopyrightOKACondicionQue {{CopyrightOKACondicionQue|condicion}}
Marca depausada {{Marca depausada}}
Fòto personala
Imatge personal {{Imatge personal}}
Utilizacion non comerciala unicament
Non comercial {{Non comercial}}

Consideracions fisicas suls imatges[modificar la font]

Causida del format[modificar la font]

  • Fotografias : utilizatz lo format JPEG (convertiscatz pas vòstres imatges JPEG al format PNG) ;
  • Autres imatges (dessenhs, cartas, bandièras, etc) : utilizatz lo format PNG. Convertissètz doncas vòstres imatges GIF al format PNG (en defòra de los « GIF animat ») ;
  • Podètz convertir vòstres imatges PNG en JPEG s'aquò se justifica per una talha ganhada importanta ; podètz tanben demenir lo nombre de colors de l'imatge a 256 (prigondor de 8 bits).

Utilizetz pas lo format JPEG per d’imatges (coma las còpias d'ecran, dessenhs al trach...) presentant de contrastes fòrts amb de traches ben marcats — JPEG introduirà de decas. Coma lo desvolopament de sa sigla o indica, JPEG es estat concebut per la compression de fotografias e pòt se comportar mal sus d'autres tipes d'imatges.

Talha dels imatges[modificar la font]

S'es possible, requadratz los imatges per ne gardar unicament la partida pertinenta.

Esitetz pas a cargar los imatges dins una nauta resolucion. Aquestes imatges se poiràn reütilizar pus aisidament dins una eventuala edicion papièr.

Tengatz pas compte d'un eventual messatge de mesa en gàrdia, la talha maximala actualament admesa es de 8 Mo !

Coma pel nom de l'imatge, la talha de l'imatge afichat dins l'article poirà diferir de sa talha reala, dins lo sens de la reduccion en principi (miniatura).

Dins un article[modificar la font]

Image bareme de largeur.png
Talha d'afichatge d'imatge recomandada d'utilizar dins un còrs d'article
  • Inferiora a 150 : desconselhat ;
  • de 150 a 250 : passable ;
  • de 250 a 350 : bon.
  • Pasmens, es agradiu de daissar l'atribut "thumb" tal coma es descrich supra, sens impausar de talha fixa. Atal cada utilizaire pòt definir la talha d'aquestes imatges via sa configuracion personala accessibla dins lo menut "preferéncias".

Bandièras[modificar la font]

Las bandièras de la galariá de las bandièras dels païses del mond an totas la meteissa nautor de 75 pixèls, çò que permet un afichatge flotant sus una linha. Lor largor es variabla per respectar los proporcions de las bandièras. Son totas de reduccions ¼ manualas e optimizadas de las bandièras originalas de 300 pixèls de naut.

Astúcias per la descripcion dels imatges[modificar la font]

Creacion de las paginas de descripcion al cargament de l'imatge[modificar la font]

Al moment del cargament de l'imatge sul servidor, vos es demandat de picar una descripcion de l'imatge. Aquesta descripcion es copiada tala e quala sus la pagina de descripcion de l'imatge. Es possible d'utilizar dins la descripcion de l'imatge la sintaxi dels articles de Wikipèdia. Per exemple una descripcion del tipe : '''Descripcion:''' descripcion de l'imatge<br />'''Source:''' Jean Dupond<br />'''Licence:''' GFDL crearà una pagina del tipe :

Descripcion: descripcion de l'imatge
Font: Joan Martin
Licéncia: GFDL

S'obten atal una pagina ja formatada e es doncas pas mai necessari d'editar la pagina de descripcion (exceptat per i ajustar d'informacions complementàrias).

Utilizar l'amagatal del navegador[modificar la font]

Nòta : aquesta astúcia es estada testada solament sus Mozilla e Internet Explorer mas riscatz pas res en l'ensajant.

Los navegadors modèrnes utilizan sovent un sistèma d'amagatal que permet, dins cèrtas condicions, d'afichar fòrça rapidament una pagina precedentament visitada. Aquesta foncionalitat se pòt utilizar al moment del cargament d'un nombre important de fichièrs. Sufís aprèp aver clicat sul boton « Copiar un fichièr » d'esperar lo messatge de confirmacion de la còpia e de far rapidament un retorn en rèire amb vòstre navegador. Es probable que retrobaretz totas las informacions qu'avètz precedentament picadas (nom de fichièr, descripcion, check box) e atal que poiretz far la còpia seguenta ben mai rapidament.

Entresenhas complementàrias[modificar la font]

| Benvenguda | Contribuir | Discutir | Paginas de seguir | Règlas | Wikipedians | Pages meta
Copyright | Neutralitat de punt de vista | Règlas de saber-viure | Utilizacion dels imatges |
Convencions suls títols | Convencions lingüisticas | Convencions d’estil | Convencions tipograficas
Paletas de navigacion | Citatz las fonts | Critèris d'admissibilitat dels articles | Començar las modificacions