Ajuda:Cossí cargar un fichièr

Un article de Wikipèdia, l'enciclopèdia liura.
Salta a la navegació Salta a la cerca

La procedura çai jos descriu lo biais de cargar un fichièr que serà local a l'enciclopèdia occitana. S'aqueste fichièr pòt èsser util a d'autras lengas o a d'autres projèctes Wikimedia, es preferible de lo cargar sus Wikimedia Commons.

Ensajatz de preferéncia de cargar los fichièrs sus Wikimedia Commons se res o empacha pas. En efècte, es pas rar qu'aprèp un certan temps, d'autres projèctes Wikimedia ajan besonh d’aqueste meteis fichièr ; s'aqueste se tròba ja dins la Wikimedia Commons, lo poiretz utilizar coma un imatge quin que siá sus Wikipèdia. Podètz consultar a aqueste efièch aquesta pagina amb un exemple pas a pas.

Abans de cargar un fichièr[modificar | modificar la font]

Abans de copiar vòstre fichièr sul servidor, prenètz coneissença de las règlas d'utilizacion dels imatges de Wikipèdia (que s'aplican tanben als autres mediàs) e asseguratz-vos que las respectatz.

  • Utilizar un nom clar e detalhat per l'imatge per qu'entre pas en conflicte amb d'autres imatges ;
  • Emplenar la pagina de descripcion de l'imatge, en particular per i inscriure l’estatut del copyright e la font de l'imatge ;
  • Èsser vigilant suls copyrights sens tombar dins la paranòia. Per l'utilizacion de la doctrina, de modèls pels imatges jos fair use se pòdon trobar sus fair use ;
  • Metre pas los crèdits (font, mercejament, informacions, etc.) de l'imatge dins l'article, mas dins la pagina de descripcion ;
  • Se cargatz un imatge provenent d'una autra Wikipèdia, mercé d'indicar lo ligam complèt vèrs la pagina de descripcion de l'imatge duplicat.

Per veire los imatges ja plaçats sul servidor o per efectuar una recèrca demest aquelas, anatz a la lista dels imatges.

Aprèp solament[modificar | modificar la font]

Rendètz-vos sus la pagina de cargament, qu’un ligam existís dins la barra d'espleches (a esquèrra per defaut).

Utilizatz lo formulari per copiar sul servidor d’imatges novèls destinats a illustrar vòstres articles.

  • Sus la majoritat dels navegadors, veiretz un boton « Percórrer... » que dobrís la fenèstra de dialòg estandard de vòstre sistèma operatiu per la dobertura dels fichièrs.
  • Seleccionatz un fichièr ; son nom apareisserà dins lo camp situat al costat del boton.
  • Devètz tanben confirmar, en fasent una òsca dins la casa prevista per aquò, que la còpia d’aqueste fichièr viòla pas cap de copyright.
  • Clicatz sul boton "Mandar" per acabar. Se vòstra connexion es lenta, l'operacion pòt prendre un bèl temps.