Var (riu)
| Var | |
|---|---|
 | |
| Caracteristicas | |
| Longor | 120 km |
| Bacin | ? |
| Bacin collector | Var |
| Debit mejan | 49,4 m3⋅s-1 (Niça (Pònt Napoleon III)) |
| Regim | nivo-pluviau |
| Riu | |
| Font | Entraunas |
| S'escampa dins | la Mar Mediterranèa |
| Geografia | |
| Païses traversats | Comtat de Niça, Provença, Occitània |
Var es un riu d'Occitània que s'escola dins lo departament deis Aups Maritims.
Sa font raja a Estenc, masatge de la comuna d'Entraunes, a 1 790 mètres, au sud dau còl de la Calhòla (2 326 m). Son escorreguda es de 114 km abans de se getar dins la mar Mediterranèa a l'oèst de Niça. Son cors inferior fa lo limit tradicionau entre la Comtat de Niça e la rèsta de Provença, mentre que son cors mejan e superior es dins la Comtat de Niça. A donat son nom au departament de Var perque a passat temps, lo riu de Var èra lo limit orientau d'aqueu departament.
Idrografia
[modificar | Modificar lo còdi]Le Var reçaup 5 afluents principaus :
- riba senèstra :
- Chans (25 km) au luec-dich dau Pònt de Chans, avau dau Puget Tenier
- Tiniá (75 km) dins lei gòrjas de la Mescla e
- Vesubiá (48 km) au nivèu de Plan de Var ;
- riba drecha :
- Colomp (20 km) au pònt de Guèidan, amont d'Entrevaus,
- Esteron (66,7 km) au nivèu de Sant Martin de Var.
Reçaup en mai nombroses afluents secondaris : Tuebi (a Guilherme), Chalvanha (a Entrevaus), la Rodola (au Puget Tenier).
Lo nivèu dau riu es abitualament bas, 50 a 100 m³/s en regla generala, mai es reputat per seis aigats subtes e importants, son debit puja alara en quauques oras a 1 000 m³/s, atenh 3 500 m³/s en aigat centenau e entrò 5 000 m³/s en aigat millenau. Son darrièr aigat important se debanèt lo 5 de novembre de 1994.