Vílnius
Vílnius (en lituan Vilnius; ancianament Vilna en rus e Wilno en polonés) es la capitala e la pus granda ciutat de Lituània. Sa populacion estimada èra de 553 904 abitants en 2006, 15% de la populacion de Lituània.
Vílnius es lo mai important centre economic de Lituània, e un important centre financièr de la region de la Mar Baltica. Es tanben un important centre cultural e istoric, especialament per sas construccions medievalas e barròcas.
