Universitat de Lièja

Un article de Wikipèdia, l'enciclopèdia liura.
Salta a la navegació Salta a la cerca

L'Universitat de Lièja (Université de Liège en francés), que s'abreuja en ULiège (ancianament ULg), es una universitat publica e pluralista bèlga que si situa a Lièja. La fondèron en 1817 dins les bastiments dau collègi jesuita ancian, uei l'universitat compoarta onge facultats. Per òrdre de creacion : Filosofia e Letras, Drech - Sciéncia politica e criminologia, Sciéncias, Medecina, Sciéncias aplicadas, Medecina veterinària, Psicologia e Sciéncias de l'educacion, Gembloux Agro-Bio Tech - Facultat d'agronomia, Arquitectura, Sciéncias socialas e una escòla de gestion (HEC Lièja). Somonde de formacions de premier, segond e tresen cicles (37 bacheliers, 207 masters, 65 masters d'especializacion).

Lo campús principau si situa au Sart Tilman a un desenau de quilomètres au sud de Lièja, mai l'universitat a conservat lo sèti e foaça implantacions au centre vila, ensin que la facultat de Filosofia e Letras, l'institut de zoologia, d'anatomia, lei zònas d'HEC Lièja e la facultat novèla d'arquitectura. Gembloux Agro-Bio Tech es installada a Gembloux e lo Departament de Sciéncias e Gestion de l'Environament a Arlon. L'universitat possedisse en mai d'aquò una estacion scientifica dins leis Hautes Fagnes e, a l'estrange, l'estacion oceanografica STARESO en Corsega, una estacion meteorologica au Jungfraujoch en Soïssa, ensin que d'estacions scientificas e observatòris en Chile (SPECULOOS e TRAPPIST-Sud), en Marròc (TRAPPIST-Nòrd), ensin qu'a Tenerife, en Espanha.