Transmigracion (Indonesia)

Vilatge de transmigracion de Sigulai dins la Regéncia de Simeulue, Aceh

Lo programa de transmigracion (indonesian transmigrasi, del neerlandés transmigratie) èra una iniciativa del govèrn de las Índias Orientalas Neerlandesas, perseguida après per lo govèrn d'Indonesia per tal de mudar de gents sense tèrra dels airals densament poblats del país cap a d'airals pas tan populoses . Aquò implicava de mudar de personas d'un biais permanent de l'isla de Java, mes tanben dins una mendre mesura de Bali e Madura cap a d'airals pas tan densament poblats, mai que mai Kalimantan, Sumatra, Sulawesi, Molucas e Nòva Guinèa Occidentala. Lo programa es coordenat actualament per lo Ministre dels Vilatges, del Desvolopament de las Regions desavantatjadas e de la Transmigracion.

L’objectiu declarat d'aquel programa èra de redusir la pauretat e lo pòblament excessiu de Java, d’ofrir d'oportunitats als paures que trabalhan dur e de fornir una man d'òbra per utilizar milhor las ressorças naturalas de las islas exterioras. Lo programa foguèt controvertit çaquelà perqué las populacions autoctònas crenhián la « javanisacion » e l'« islamisacion », çò que donèt mai de pes als movements separatistas e a la violéncia comunautària. Los novèls arribants son mai que mai de javaneses e de madureses, mas tanben d'abitants d'autras regions pobladas coma los balineses indós.

Istòria

Jos los neerlandeses

Trabalhaires javaneses jos contracte dins una plantacion a Sumatra pendent l'epòca coloniala a las Índias Orientalas, cap a 1925.