Taos
|
Taos
| |||||||
|---|---|---|---|---|---|---|---|
| |||||||
| Geografia fisica | |||||||
|
| |||||||
| Coordenadas | 36° 23′ 38″ N, 105° 34′ 36″ O | ||||||
| Superfícia | 13.9 km² | ||||||
| Geografia administrativa | |||||||
| País |  Estats Units
| ||||||
| Estat |  Nòu Mexic
| ||||||
| Comtat | Comtat de Taos | ||||||
| Cònsol | Daniel R. Barrone | ||||||
| Geografia umana | |||||||
| Populacion (2010) | 5 716 | ||||||
| Densitat | 410 ab./km² | ||||||
| Autras informacions | |||||||
| Fondacion | 1795 | ||||||
| Fus orari | MST (UTC -7) | ||||||
| http://www.taosgov.com/ | |||||||
Taos es una vila dins la region centre-nòrd de Nòu Mexic dins las montanhas Sangre de Cristo. La vila foguèt fondada pel governador de Nuevo México Fernando Chacón en 1795, per servir de plaça enfortida e d'abans-pòsta comercial pels amerindians e las comunitats ispanicas vesins.
Taos es situat a proximitat del pueblo de Taos, lo vilatge de la tribu amerindiana dont pòrta lo nom. Lo mot «taos» significa «sause roge» en lengas kiowa-tanoanas.
Colonia artistica de Taos
[modificar | modificar lo còdi]Dempuèi la fin del sègle XIX, la vila de Taos venguèt un centre artistic important, amb de nombroses artistas americans e estrangièrs en residéncia temporària o permanenta a Taos.
Los artistas foguèron atraches a Taos, a l'encòp per las caracteristicas visualament espectacularas de la region, per la preséncia de la colonia artistica en expansion e per l'influéncia de Mabel Dodge Luhan, una rica eiretièra de Buffalo, Nòva York qu'aviá possedit dels salons d'art a Florença e a Manhattan abans de s'establir a Taos en 1919, ont esposèt en 1923 un òme d'origina amerindiana, Antonio Lujan e faguèt bastir un ostal, mantenent designada luòc istoric nacional. Pendent mantas decadas, i convidèt d'artistas, dels escrivans e d'autres creadors, dont D. H. Lawrence, Ansel Adams, Georgia O'Keeffe, Alfred Stieglitz e Andrew Dasburg. Mantes de sos convidats demorèron a Taos e la colonia artistica s'i espandiguèt.
D'autres artistas contemporanèus reputats avent sojornat e trabalhat a Taos comprenen Richard Diebenkorn, Mark Rothko, Ad Reinhardt, Clyfford Still e Morris Graves.