Manhattan

Un article de Wikipèdia, l'enciclopèdia liura.
Anar a : navigacion, Recercar
Vista de Manhattan.
5ena avenguda

Manhattan es un dels 5 boroughs de la vila de Nòva York dins l'estat de Nòva York, Estats Units d'America. Ocupa la màger part de l'illa del meteis nom, d'una superfícia de 58,8 km2, enrodada pel riu Hudson a l'oèst, l'East River a l'èst, l'Upper New York Bay al sud, e l'Harlem River al nòrd. En 2012, sa populacion èra de 1 619 090 habitants[1], e sa densitat es fòrça superiora a la de tot autre comtat dels Estats Units.

Manhattan es la part pus rica de la vila de Nòva York, çò que ne fa lo luòc pus toristic de Big Apple, mondialament famós per sos gratacèls e son activitat trepidanta. Manhattan es tanben lo còr economic e financièr de la vila, bastit a l'entorn de Wall Street que aculhís lo New York Stock Exchange, e Midtown que compta mantun sètges socials d'entrepresas coma la Time Warner, Bloomberg LP o encara MetLife. Es tanben lo centre cultural de Nòva York, amb sos musèus coma lo Metropolitan Museum of Art, l'American Museum of Natural History, e lo MoMa. La màger part dels gratacèls pus coneguts son situats per aqueste quartièr, amb per exemple l'Empire State Building, lo Chrysler Building, lo GE Building e lo One World Trade Center, que remplaça lo World Trade Center que foguèt destruit per los atempats del 11 de setembre de 2001.

Sens que s'agisca de divisions administrativas en se los quartièrs màgers de Manhattan son, del sud al nòrd:

Bastida mai que mai sus un plan ortogonal, las vias son totas numerotadas e son nomenadas "avengudas" (anglés, avenues) per las que van del nòrd al sud de l'illa, e "carrièras" (anglés, streets) las que van de l'oèst a l'èst. Çaquelà d'unas carrièras mai vièlhas del Lower Manhattan pòrtan de noms.

Localizacion de Manhattan demest los 5 districtes

Referéncias[modificar | modificar la font]

  1. (en) Ofici de recensament dels Estats Units, « New York - Place and County Subdivision »,‎ données de 2000