Hudson (flume)
| Hudson (Muh-he-kun-ne-tuk, Muhheakantuck) | |
|---|---|
 | |
| Caracteristicas | |
| Longor | 507 km |
| Bacin | 36 200 km2 |
| Debit mejan | 606 m3⋅s-1 (Lower New York Bay) |
| Riu | |
| Font | Lake Tear of the Clouds |
| · Localizacion | Mont Marcy (Adirondacks, Estat de Nòva York) |
| · Altitud | 1 309 m |
| · Coordenadas | 44° 06′ 24″ N, 73° 56′ 09″ O |
| Embocadura | Lower New York Bay |
| · Localizacion | Nòva York |
| · Altitud | 0 m |
| · Coordenadas | 40° 42′ 11″ N, 74° 01′ 36″ O |
| Geografia | |
| Afluents principals | |
| · Riba esquèrra | Hoosic |
| · Riba drecha | Mohawk, Rondout Creek, Wallkill |
| Païses traversats |  Estats Units
|
| Regions traversadas | Estat de Nòva York, Nòva Jersei |
Hudson (o Hudson River en anglés) es un flume dels Estats Units. De 507 km de long, s'escola principalament dans l'Estat de Nòva York e forma per part la frontièra entre los Estats de Nòva York e de Nòva Jersei. Lo nom del flume ven de Henry Hudson, un navegator anglés que, pel compte de las Províncias Unidas e especialament de la Companhiá neerlandesa de las Índias orientalas (Vereenigde Oost-Indische Compagnie o VOC), explorèt lo flume en 1609. Pasmens, lo primièr europèu que l'observèt foguèt l'Italian Giovanni da Verrazzano en 1524. Lo flume èra nomenat Muh-he-kun-ne-tuk, lo Grand Mohegan, pels iroqueses, e conegut coma Muhheakantuck ("flume que raja per dos camins") pels lenapes, tribú qu'abitava las doas ribas de la part bassa del flume, dins l'actuala Nòva Jersei e l'illa de Manhattan.
Se la font comunament admesa del flume es situada al lac Tear of the Clouds dins lo pargue Adirondack a una altitud de 1 317 m, la font pus alunhada del flume Hudson, coma o mòstran las mapas USGS pus detalhadas, es la "ribièra Opalescent" sul penjal oèst del mont Little Marcy al nòrd del lac Tear of the Clouds.