Saüc negre

Un article de Wikipèdia, l'enciclopèdia liura.

Lo saüc negre o sambuc negre[1] (Sambucus nigra) (var. sambuquièr negre, saüquèr negre, saücal negre, saücau negre) es un arbust caducifòli del genre Sambucus, que tradicionalament s'assignava a la familha Caprifoliaceae mas que las recercas geneticas fan classar a l'ora d'ara dins la familha Adoxaceae. Sambucus ven del grèc sambuke[2], un instrument fach de fusta de saüc, e nigra[2] ven del latin e vòl dire «negre» (se referissent a la color dels seus fruches madurs). L’espècia Sambucus nigra la trobam unicament en Euròpa, especialament pròche la Mediterranèa.

Descripcion[modificar | Modificar lo còdi]

Planta arbustiva entre 2 m e 5 m de nautor, de brancatge dens e arredondit.

Organs vegetatius[modificar | Modificar lo còdi]

La raiç es formada d'una part principala espessa e ben desvolopada amb d’autras pus primas que sòrton de la principala. La tija a una ramificacion simpodica amb consisténcia lenhosa. Las brancas mai joves an una medolha blanquinosa fòrça desvolopada. Las fuèlhas son compausadas, e contenon 5-7 foliòlas de forma elliptica. Aquestas foliòlas presentan una extremitat aguda e una basa atenuada, en mai d’un marge serrat. La textura de les fuèlhas es coriacia e presentan una certa lusor e una odor pauc agradiva.

Organs reproductors[modificar | Modificar lo còdi]

detalh de las flors

Lo sambucus nigra porta d'estaminas e un ginecèu, e es un arbust ermafrodita. L'inflorescéncia es cimosa e corimbiforma [3]. Lo periant presenta un calici sodat a l'ovari. Es ovoïde e pòrta cinc dents pichonas. La coròlla es d'una sola pèça, amb cinc lobuls dubèrts en estela. L’androcèu se caracteriza per d'estaminas extèrnas e al ginecèu trobam un ovari epigin que conten una croncrescéncia pluricarpellara. Lo fruch es una baia arredondida de color negra carnosa de 6-8 mm de diamètre. Es un fruch comestible quand es madur, mas dins lo cas contrari pòt aver d'efièches toxics.

Farmacologia[modificar | Modificar lo còdi]

Composicion quimica[modificar | Modificar lo còdi]

Referéncias e ligams extèrnes[modificar | Modificar lo còdi]

  1. https://lodiari.com/lo-sauc/
  2. 2,0 et 2,1 Etimologia del nom scientific de genres e espècias[1](en)
  3. Error de citacion : Balisa <ref> incorrècta ; pas de tèxte per las referéncias nomenadas diec.