Sègle XIX abC

Un article de Wikipèdia, l'enciclopèdia liura.
Salta a la navegació Salta a la cerca

../.. | sègle XXI abC | sègle XX abC | sègle XIX abC | sègle XVIII abC | sègle XVII abC | ../..

Istòria[modificar | modificar la font]

Sègle XIX : crisi grèva de la civilizacion de la Vau d'Indus probablament causada per de cambiaments climatics. Entraïnèt lo declin rapide de la civilizacion e l'abandon de la màger part dei vilas importantas.
Sègle XIX : formacion probable d'un reiaume amorrita a l'entorn de Kish.
Sègle XIX : dins la region dau Peró modèrne, disparicion de la civilizacion de Caral. La causa d'aquela disparicion – que durèt aperaquí un sègle – sembla èsser un cambiament climatic important entraïnat per lo fenomèn El Niño.
1894 : presa de Babilònia per una armada amorrita. Son cap, Sumu-abum, i fondèt una dinastia qu'anava subreviure fins a 1595 avC. Pasmens, segon un procès que foguèt pus tard repetit mai d'un còp, leis envaïsseires nomadas foguèron rapidament absorbits per la populacion.
1878 - 1843 ò 1842 : rèine dau faraon Sesostris III. Rèi guerrier, contunièt lo trabalh de desvolopament agricòla de sei predecessors, especialament aquelei començats per son paire dins l'oasís de Faium. Menèt divèrsei campanhas per renfòrçar la frontiera meridionala d'Egipte e empedir leis incursions dei nomadas saharians. En Siria, son influéncia s'estendiguèt fins a Biblòs.
1843 ò 1842 - 1797 : rèine dau faraon Amenemhat III. Durant aqueu rèine, l'Empèri Mejan agantèt son apogèu economic. Lo faraon contunièt lei trabalhs d'aigatge de l'oasís de Faium e renforcèt tornarmai lei frontieras amb Nubia. En Sinaï, capitèt de crear de colonias minieras semipermanentas pus eficaças que leis expedicions ponctualas mandadas per lei sobeirans precedents.
1823 : començament dau rèine de Rim-Sin Ièr de Larsa. Sobeiran poderós, contunièt la guèrra quasi permanenta entre Isin e Larsa e destruguèt sa rivala en 1793 avC. Aquò marquèt l'apogèu de son reiaume.

Decès[modificar | modificar la font]

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]