Propòlis

Un article de Wikipèdia, l'enciclopèdia liura.
Sauter à la navigation Sauter à la recherche

La propòlis designa a l'encòp una matèria resinosa produche per unes vegetals e un materila complèxe fabricat per las abelhas a partir d'aquesta resina vegetala e de cera. Las abelhas utilizan lor produccion coma mortièr e antiinfecciós per assanir lo bornat.

Lo mot propòlis ven del grèc ancian πρόπολις, dintrada d’una vila, per allusion a la reduccion de la dintrada del bornat amb de propòlis per aparar la colonia.

Ancianament, los apicultors pensavan que l'abelha utilizava la resina culhida sens la transformar[1].

Abelha que las banastas de pollèn son tanben utilizadas pel transpòrt de la propòlis.

Originas[modificar | modificar la font]

Borron de Marronièr.

La propòlis vegetala designa una seria de substéncias resinosas, gomosas e balsamicas presentas suls vegetals. Las esséncias màger d'arbres produson de propòlis son de conifèrs (rusca dels pins, avets, piceas) e los borrons d'espècias coma los vèrnhes, salzes, boces, prunièr, fraisses, casses e olms, de pibols (que semblan èsser la font màger) e del marronièr d'Índia[2].

La propòlis de las abelhas es un complèxe fabricat per l'abelha a partir de sas secrecions e de propòlis vegetala que culhís. L'obrièra pòrta la resina translucida e viscosa dins las banastas de sas patas rèiras (tot coma lo pollèn). Aquestas pelòtas son d'una color anant del jaune-clar al verd brun. Son pas servadas dins las alveolas mas utilizada sul pic per las maçonas. Aquestas darnièras las modifican amb las lors secrecions (cera e secrections salivàrias subretot), e l'aplican se cal. Mal lo luòc es caud, mai lo percentatge de cera es important, la propòlis essent viscosa e peganta vèrs 20 20 °C e venent dura e copadissa amb lo freg o lo temps. Es donc logic de trobar una propòlis mai concentrada al nivèl del trauc d'envolada e sul cap dels quadres.

Composicion[modificar | modificar la font]

Propòlis bruta.
Propòlis bruta.

La propòlis culhisa dins lo bornat es constituida globalament de:

Composition de la propolis
resines etbaumes 50 a 55 %
cera 30 a 40 %
òlis volatils o essencials 5 a 10 %
pollèn 5 %
autras matèrias 5 %

aquesta propòlis conten tanben plen d'autres elements coma d'acids organics, fòrça flavonoïds, d'oligoelements, fòça vitaminas. Tanben conten de parabèn, que las proprietats antibacterianas e antifongica ajudan a lutar contra los patogèns dins lo bornat.

Existís diferentas varietats de propòlis e la composicion de la propòlis es fòrça variabla e complèxa. Mai de 300 compausants diferents an estat identificats.

Culhida[modificar | modificar la font]

Rasclatge de propòlis suls flancs del bornat.
Aspèctede la propòlis dins lo bornat.

Una colonia produch entre 100 g de propòlis cada an. Lo trabalh de culhida es donc sovent fastidiós e las operacions de purificacion fòrça meninosas.

Per unes apicultors, la propòlis es un empachament. A vegada, prenon la pena de la culhir pendent lo netejatge dels quadres. Aquesta propòlis bruta de rasclatge cal èsser apurada que pòt conténer de cera, de fusta e de troces d'insèctes. Per unes apicultors amators que dobrisson rarament lors bornats, pòt tanben èsser vièlha e dematjada.

La propòlis de rasclatge pòt tanben conténer de troces d'abelhas. aqueste darrirèr element dona a la propòlis de gratada, una mai valor sul plan de sas qualitats bioapiterapicas. En efièch, utilizada pel las abelhas per aqueste trabalh d'embaumament, la propòlis de gratada presentariá de qualitats antibacterianas superioras a la propòlis de grasilha.

La propòlis de grasilha es subretot utilizada per l'abelha coma material de construccion, e non coma proteccion antibacteriana, son eficacitat sus aquestes tèma essent pas prioritari per l'abelha.

Per una culhida de rendiment, es preferible d'utilizar de grasilhas de propòlis constituidas de fòrça interstices que l'abeilha va cercar a colomar. aquesta aisina se plaça sul cap dels quadres, sovent après la culhida (la temperatura aurà baissada, la propòlis serà mens concentrada en cera, mai abondanta e novèla). Sonque cal enseguida de plaçar aquesta grasilha al freg, la propòlis venent copadissa, una torsedura de l'aisina desengatjarà los trocets.

Transformacion[modificar | modificar la font]

  • Extrach artesanal de propòlis
    1. Per destriar la propòlis de la cere, cal far calfar a 70 °C dins de l'aiga. La cera fondent a 68 68 °C, va pujar a la superfícia de la solucion. Enseguida, se fa macerar de propòlis dins d'alcoòl[3] (entre 40 °C e 60 °C[4]), qu'après filtracion, crèa una tintura-maire.
    2. Las ceras essent insolublas a freg, una autra tecnica consistís a banhar dirèctament lo produch propòlis/cera dins una mèscla aiga/alcoòl[5] (entre 40 °C e 70 °C). Après maceracion e filtracion, se fa tanben una tintura-mire.

Aqueste extrach culhit contien de flavonoïds (majoritàriament representadas) e de composats fenolics e aromatics divèrses.

Utilizacions[modificar | modificar la font]

Per las abelhas[modificar | modificar la font]

Dins lo bornat, la propòlis a d'usatges multiples. Es un mortièr que servís a colomar d'asclas o fendilhas, a far estanc contra l'umiditat e lo desvolopament de las mosiduras, a  renforçar las brescas o partidas damatjadas del bornat e a la proteccion de la colonia per la reduccion de la dintrada del bornat. Es tanben un vernís aseptizant pausa en sisa fina a l’interior de las cellulas abans la ponduda de la reina, o per lisar las parets interioras del bornat. Tanben servís a momificar los animals intrusits mòrts (ratas e mirgas per exemple), tròp gròs per èsser sortits per las abelhas, evitant atal lor decomposicion.

Per l'èsser uman[modificar | modificar la font]

Propòlis transformada en spray.

A l'estat brut, la propòlis se pòt mastegar dirèctament après la culhida, mas mai sovent, se la pren jos d'autras formas.

La propòlis se pòt vendre a l'estat brut, en extrach concentrat ou en tintura-maire per unes apicultors dispausant de las autorizacions que cal.

Dins l'Antiquitat[modificar | modificar la font]

La propòlis servissiá coma produch d'embaumament dins l'Egipte antica. tanben fasiá partida de la farmacia ambulanta dels soldats romans quand se'n anavan al combat[6]. Al sègle XI, la propòlis s'utilizava per cicatrizar las ferridas per flèchas[7].

Proprietats terapeuticas[modificar | modificar la font]

La propòlis es mai sovent comercializada per de firmas farmaceuticas (medecina umana o veterinària).

La propòlis bruta o jos forma de tintura-maire es un antiinfecciós (antifongic, antiseptic, antibiotic). A mai un poder anestesic, cicatrizant e antiinflammatòri e aumenta lo metabolisme cellulari

En usatge intèrne, seriá utilizada jos forma de tinture-maire o jos forma d'extrach sec en otorinolaringologia contra los estenhements de votz, los enrauquiments, las anginas, los mals de gòrja, la tos, los raumasses, las bronquitas, las faringitis, las otitis e las sinusitis. Amb la meteissa forma, s'utiliza en estomatologia. E en usatge extèrne, s'utiliza en dermatologia assanir e cicatrizar las plagas, tractar las micòsis.

La propòlis conten entre autre un compausat, fenetilester d’acid cafeïc (CAPE). Segon un estudi del Centre de prevencion contra lo càncer[8], aqueste compausat possedariá de proprietats antimitogèna e anticancerigèna, e poiriá alentir la creissença de cellulas de càncer de la prostata umana.

La propòlis pòt provocar de reaccions allergicas[9] o d'autras reaccions indesirablas[10],[11] per unas personas.

Vernís[modificar | modificar la font]

  1. Vernís a l'òli de lin pel tractament de la fusta: òli de lin 800 g, cera d'abelha 250 g, propòlis 400 g
  2. Vernís de Russia per las fustas fòrça expausadas o preciosas: òli de lin 200 g, cera d'abelha 50 g, propòlis 100 g.

Caufar amb prudéncia per obténer una mescla omogenèa. Après 15 jorns, l'enduch s'utiliza a caud sus la fusta. Daissar secar e polir.

Fonts[modificar | modificar la font]

Nòtas e referéncia[modificar | modificar la font]

  1. Georges de Layens et Gaston Bonnier, illustré par A. Millot, Cours complet d'apiculture (culture des abeilles), Paris, Paul Dupont, , 439 p. (ISBN 978-84-9761-937-0), p. 28
  2. Gavanji S, Larki B. Comparative effect of propolis of honey bee and some herbal extracts on Candida Albicans. Chinese Journal of Integrative Medicine. 2015:1-7. https://link.springer.com/article/10.1007%2Fs11655-015-2074-9
  3. Sens metanoòl de preferéncia (alcoòl non desnaturat), tan mai que s'il s'agís de ne far un usatge intèrne.
  4. Alcoòl amb aiga per assegurar la dissolucion alcoolica mas tanben aquosa.
  5. De compausants de la propòlis son solubles dins l'alcoòl e d'autres dins l'aiga.
  6. Segon Plini l'Ancian, Istòria Naturala, 11, 16.
  7. Lo mètge iranian Avicena nota a son subjècte: « Ten la qualitat de far levar las puntas de flèchas e de las espinas, rarefica, neteja aisidament e fa fòça molir. »
  8. "Caffeic Acid Phenethyl Ester Suppresses the Proliferation of Human Prostate Cancer"
  9. Basavaiah e Suryakanth, « Propolis and allergic reactions », Journal of Pharmacy & Bioallied Sciences, vol. 4, no 4,‎ , p. 345 (ISSN 0976-4879, PMID 23248571, PMCID PMC3523533, DOI 10.4103/0975-7406.103279)
  10. Wimardhani e Soegyanto, « Oral Mucosal Ulceration Caused by the Topical Application of a Concentrated Propolis Extract », Case Reports in Dentistry, vol. 2014,‎ (ISSN 2090-6447, PMID 25276439, PMCID PMC4174969, DOI 10.1155/2014/307646)
  11. Brailo, Boras, Alajbeg e Juras, « Delayed contact sensitivity on the lips and oral mucosa due to propolis-case report », Medicina Oral, Patologia Oral Y Cirugia Bucal, vol. 11, no 4,‎ , E303–304 (ISSN 1698-6946, PMID 16816812)

Vejatz tanben[modificar | modificar la font]

Articles connèxes[modificar | modificar la font]