Beç

Un article de Wikipèdia, l'enciclopèdia liura.
Anar a : navigacion, Recercar

Los beces, o los bedoths, son d'arbres de la familha de las Betulacèas.

Son comuns en Euròpa e butan generalament sus las tèrras pauras e sovent siliciosas, fins a 2000 m d'altitud, e dins las regions arcticas. Los beces son de plantas pionièras que constituisson sovent la premièra formacion arborada de la reconquista o de la colonizacion de landas per los bòsques. Aiman mai los sòls puslèu acids e umids. Los beces forman de bòsques sonats beçada, beçareda, beceda, becet, beçosa...

Sa rusca blanca, lissa e brilhanta porta mantuna tacas negras, sovent acompanhadas de crebassas. Existisson quatre espècias de beces en Euròpa, amb doas fòrça espandidas : Betula pendula e Betula pubescens, e dos arbrilhons de las regions arcticas : Betula nana, e Betula humilis. Se trapan tanben de beces en Asia e en America del Nòrd.

Las diferentas espècias[modificar | modificar la font]

Un beç (Betula pendula) en ivèrn