Picea

Un article de Wikipèdia, l'enciclopèdia liura.

Picea es un genre de conifèrs de fuèlhas persistantas de la familha Pinaceae. Lo genre amassa qualques 35 espècias pus correntament nomenadas en occitan picèa, serenta, fals avet o faus avet.

Son d'arbres de forma conica o en colomna dins las regions fredas de la taiga. Las agulhas son dispausadas a l'entorn del ram iranjat, mai o mens blavas segon las espècias. Se confondon sovent amb los avets. Una clau de determinacion eficaça entre lo genre Picea e lo genre Abies consistís a destacar delicadament una agulha del ram : se i a un pichon esquinç d'escòrça a la basa del pseudopeciòl, es lo genre Picea ; se i a una pichona marca redonda sul ram, es lo genre Abies[1]. Una autra diferéncia concernís las pinhas : pendents en çò del fals avet, quilhats en çò del sap.

Las espècias an de talhas variablas, que passan rarament 40-50 mètres, mas que pòdon aténher 90 mètres (picea de Sitka). Pòdon viure entrò a 400 ans.

  1. Cors de M. Lemoine, Escòla de Silvicultura de Crogny, 1987