Prèmi Rei En Pèire

Un article de Wikipèdia, l'enciclopèdia liura.
Salta a la navegació Salta a la cerca

Los Prèmis Rei En Pèire foguèron instituïts pel Cercle d'Afrairament Occitano-catalan lo 1978 a Montpelhièr, en l'onor del Comte-Rei En Pèire que moriguèt a Murèth al mes de setembre de 1213, en luchant per la libertat d'Occitania e per l'union catalanò-occitana".

Ofèrt a òbras o estudis consacrats a l'espaci occitanò-catalan o encara l'espaci constituït pel conjunt dels Païses Occitans e dels Païses Catalans.

Son estats totjorn convocats e realizats pel CAOC, e fan partida del patrimòni del CAOC malgrat que la Fondacion Occitanocatalana se'n siá apropriada unilteralment amb motiu de l'Eurocongrès.[1]

Basas[modificar | modificar la font]

  1. Poiràn[2] participar al Prèmi, las òbras o estudis de genre literari o scientific escrits en catalan o occitan, que respondon a quina que sià de las clausulas que venon:
    1. Far apareixer los ligams estrets qu'an totjorn existit, dins totes los domenis, entre Occitania e los Païses Catalans.
    2. Establir formulas d'analisi, de collaboracion e de creacion d'infrastrucaturas comunas e coordinadas, pel futur desvolupament cultural, economic e politic dels pòbles occitans e catalan.
    3. Tractar d'un biais monografic aspectes concrets de la problematica de quanques Païses nòstres, mas d'interès general per tot l'Espaci Occitanò-Catalan.
    4. Servir per amelhorar la coneissença mutuala de nòstres pòbles. Especialament dins lo domeni de la lenga. Serán particularament remarcats los estudis que facilitaràn l'incorporacion al catalan e a l'occitan academics o normatius, de paraulas o expressions correntas dins qual endrèit que siá de nòstres Païses, enriquessint e raprochant atal las doas lengas.
    5. Desenvolopar qualque tèma monografic sus sectors especialistas coma: l'educacion, la recèrca, l'istòria, lo drèit, l'urbanisme, l'economia, l'industria, l'agricultura, lo torisme, la musica, la literatura, los mejans de comunicacion, lo fait politic, lo fait social, l'arquitectura, l'antropologia, las arts plasticas, etc... que sián d'interès especific tant pels Païses Catalans coma pels Païses Occitans.
    6. En general quina òbra literaria o estudi scientific que siá fait amb un esperit de servici per la viva e complexa realitat dels pòbles catalan e occitan, realisat de manièra simpla, a portada de cadun e que marque camins de convergencia e de retrobament definitiu entre Occitania e los Païses Catalans.
  2. Las òbras que serán presentadas al Prèmi Rei en Pèire deurán ésser originalas e ineditas, aver un nombre minimal de 100 fuèlhs de resma olandesa, datilografiats a doble espaci e escrit sus un sol costat.
  3. Los originals deurán ésser presentats en tres exemplars e portarán lo nom e l'adreiça de l'autor. Se l'autor desira que l'òbra sia publicada amb un pseudonim, o deurá indicar expressament.
  4. Las òbras desenvoloparàn un tèma unic o mantunes tèmas estretament ligats.
  5. Lo montant del Prèmi es de 100.000 pessetas, e implicará la cession al CAÒC, de la part de l'autor, dels seus drèits correpsondents a un tiratge de 20.000 exemplars de l'òbra premiada, en una o mantuna edicions. Excepcionalament, per la seva primièra edicion lo Prèmi Rei en Pèire será repartit mitat a una òbra catalana e mitat a una òbra occitana.
  6. Lo CAOC aurá una opcion preferenciala pendent sièis meses per aquerir los drèits de las òbras presentadas e non premiadas que considerarà interessant de publicar, d'acord amb los autors.
  7. Lo prèmi poirà, segon lo vejaire de la jurada demorar non atribuït se las òbras presentadas presentan pas meritis sufisents.
  8. La Jurada será constituïda per Pèire Vilar, president, Robèrt Lafont, Joan Larzac, Bernat Lesfargas, Josep Maria Llompart, Josep Maria Muntaner i Pascual i Manuel Sanchis Guarner.
  9. Las òbras non premiadas e non causidas pel CAOC, poirán ésser retiradas, pels seus autors a partir de quinze jorns après l'atribucion del Prèmi, sus prsentacion d'una justificacion.
  10. Las òbras presentadas al Prèmi Rei en Pèire, deurán ésser mandadas abans lo 31 de mars de 1979, a l'una o l'autra de las adreiças que venon: Comitat d'Afrairament Occitano-Catalan (Pèire Lagarda) 8, Carrièra Granda St. Miquèl. Bt. C.S F-31400 TOLOSA / Cercle d'Agermanament Occitano-Català. Passeig de Sant Joan, 100, 6è. BARCELONA.
  11. La remesa del Prèmi se fará cadan en un Païs occitan o catalan diferent, alternativament. Aquest'an la remsa del Prèmi Rei en Pèire se fará la mes de maig de 1979 dins un luòc e a una data que serán publicatas oportunament.
  12. La presentacion dels manuscrits originals suspansa totala d'aquestas Basas, e dels drèits e de las obligacions que'n resultan.

Premiats[modificar | modificar la font]

  1. 1979. Liurat a Castelhon de la Plana. Mission e Destin de Catalonha-Occitània d'Esteve Albert e Corp d'Andòrra.
  2. 1982. Liurat a Perpinhan. La drilha de Adelina Isac, de Sarlat (Occitània).
  3. 1985. Liurat a Barcelona. Comprene Occitània de Josep Maria Serra e Estruch, de Barcelona.
  4. 1989. Liurat a Barcelona. Lo demòra de Blandín de Cornoalha e Guillot Ardit de Miramar. Cap a un roman cavalleresca de Vicent Martínez e Pérez, del País Valencian.
  5. 1991. Liurat a Banyoles. La correspondéncia entre Loís Alibert e Josep Carbonell e en Genièr de Manuel Alquezar e Montañés.
  6. 1996. Liurat a Mataró. Bona taula de Vicent Marqués, d'Aldaia (País Valencian).

Referències[modificar | modificar la font]

  1. Eurocongrés
  2. Rèvista Reviure "Occitania e Païses Catalans - setembre de 1978"