Platin natiu
Lo platin natiu es un minerau gris argentat. D'una duretat situada entre 4 e 4,5 e d'una densitat de 21,47, es compausat de platin pur que forma de cristaus cubics. Pasmens, lei cristaus son en realitat fòrça rars e lo platin natiu se troba puslèu sota forma de gran ò de pepita. Fau nòtar que lei pepitas son rarament puras car lo platin forma aisament d'aliatges amb d'autrei metaus coma l'iridi, lo coire ò lo fèrre. Son esclat es metallic. Es soluble dins l'esséncia de terebentina e es pas fluorescenta.
Geologicament, lo platin natiu se troba inicialament dins de ròcas volcanicas basicas e ultrabasicas coma lei noritas e lei dunitas. Pasmens, après erosion d'aquelei ròcas, se concentra mai que mai dins de depaus sedimentaris de tipe placer. Dins lei ròcas, es sovent associat amb lei mineraus presents dins lei ròcas volcanicas (olivina, etc.). Dins lei placers, aquò es pus variable, mai la preséncia d'autrei mineraus pesucs es frequenta. Lei minas e depaus pus importants se situan en Sud-Africa, ais Estats Units, en Russia, en Canadà, en Colómbia, en Peró e en Nòva Zelanda. Es utilizat coma minerau de platin e, segon lei jaciments, d'iridi e d'autrei metaus preciós.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (fr) Nicola Cipriani (trad. Marie-Hélène Alfonsi e Catherine Sobecki), Minéraux et Roches, París, Gründ, 1996.