Pegàs

Un article de Wikipèdia, l'enciclopèdia liura.
Anar a : navigacion, Recercar
Representacion de la naissença de Pegàs après la victòria de Persèu còntra Medusa.

Pegàs es una creatura legendària de la mitologia grèga antica qu'a la forma d'un chivau alat generalament blanc. Nasquèt ambé son fraire Crisàor a partir dau sang de la Gorgona Medusa decapitada per l'eròi Persèu. Après sa naissença, anèt rapidament dins lo cèu ont intrèt au servici de Zèus. Lo rèi dei dieus l'encarguèt de portar leis ulhauç e lo tròn sus lo mont Olimp. Puei, Pegàs venguèt tanben l'amic dei musas. Capturat per l'eròi Bellerofònt, l'ajudèt de luchar còntra divèrsei monstres, especialament còntra la Quimèra. Après la mòrt de Bellerofònt qu'assaièt d'anar a la cima dau mont Olimp ambé Pegàs, foguèt transformat en constellacion per Zèus e plaçat dins lo cèu.

Aqueu mite es probablament originari d'una divinitat anciana dei chavanas, benlèu de la mitologia itita. Après la disparicion dei civilizacions grègas e romanas, foguèt parcialament crestianizat e venguèt un simbòl de saviesa dins lo corrent de l'Edat Mejana. Au sègle XIX, foguèt tanben tornarmai considerat coma una fònt d'inspiracion per lei poetas. Es totjorn fòrça popular a l'ora d'ara.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]