Patric

Patric (nascut Patric Martin; Mesa, 1947) es un cantaire occitan. Amb Claudi Martí, Mans de Breish, Joan-Pau Verdier (e d'autres...) un dels cantaires mai importants del reviscòl de la cançon occitana dins las annadas 1970. Aqueste cantaire de la nòva cançon es originari de Mesa mas s'installèt jove a Montpelhièr aprèp d'estudis a Pesenàs. En 1971 versionèt a l'occitan L'estaca de Lluís Llach. Dempuèi, tanben a passat a l'occitan de poèmas de Boris Vian e Georges Brassens.

D'ora decidiguèt de venir professional. Baileja son pròpri ostal de discs (Aura Productions, vengut Occitània Produccions).

Discografia

Mai recentament:

• Made in Occitània (Aura, 2004).
• Patric en concèrt (Aura, 2005) - existís tanben en DVD.
• Oc-Sessions (Aura, 2007).
• Colors (Aura, 2010).
• Okcitanio, en esperanto (Vinilkosmo, 2012).
• Estelum (Aura, 2017).

Ligams extèrnes

• Pagina de Patric ambe sa discografia recenta sul site d'Occitània Produccions
• Occitània a Youtube
• Lo Galerian a Youtube