Lo penjal meridional es situat dins lo departament d'Aude e lo piemont del penjal septentrional dins lo departament de Tarn.
Lo suc culminant a 1 211 m d'altitud es situat dins Aude. Es lo punt culminant de la montanha Negra.
Los rius d'Arneta, e de Clamós an sas font per sos travèrses.
L'emetor de television de Nòra, d'una auçada de 102 mètres, es bastit sul suc.
Las condicions climaticas son rudas en despièit de la febla altitud. Los bòsques de conifèrs s'arrestan a un pauc mens de 100 mètres del suc per daissar plaça a una vegetacion mai o mens rasa faita de landas de brugas e expausada a un vent fòrt. Quora las condicions son optimalas, se pòdon veire: los Pirenèus, la mar Mediterranèa, las Corbièiras, los Monts de La Cauna, la plana tolosana.
França
