Monts de Judèa

Un article de Wikipèdia, l'enciclopèdia liura.
Salta a la navegació Salta a la cerca

Los monts de Judèa que son ua cadena de montanhas situada enter lo desèrt de Judèa e las planas litoraus de la mar Mediterranèa. Qu'an ua altitud mejana de 900 m e que son despartits en tres regions: los monts de Benjamin o de Bet-Èl (la vila centrau deus quaus ei Ramallah) au nòrd, los monts de Jerusalèm au center e los monts d'Ebron au sud. La temperatura mejana annau qu'ei de 17 °C mes òm que pòt aver 15 °C de diferéncia enter l'estiu e l'ivèrn. Lo nivèu mejan de ploja qu'ei de 450 mm per an. La cadena que's compausa màgerment d'arròcas sedimentàrias taus com lo calcari, la dolomia, la greda e lo silex e que's tròba sus ua jaça freatica qui alimenta los arrius qui se'n van de cap a la mar Mediterranèa. Que i a ua extraordinària diversitat de paisatges, dab ua riquessa d'espècias de flòra e de fauna. Suu lor territòri que's tròba mantun sit preïstoric e arqueologic (enter autes, lo sit de Ḥatula e l'espeluga de Šuqba).

Galeria[modificar | modificar la font]