Massís de la Clapa

Un article de Wikipèdia, l'enciclopèdia liura.
Salta a la navegació Salta a la cerca

Lo Massís de la Clapa es una sèrra calcària que s'estend sus 15.000 ectaras a ras del litoral narbonés, envirada per las localitats de Narbona, Armissan, Vinassan, Flurí e Gruissan. Aquel territòri èra temps passat una isla, la Licia dels navegadors fenicians, mas a l'Edat Mejana los estanhs se vegèron cobèrts pels alluvions d'Aude e demorèt aital restacada al continent. Son ponch mai elevat es lo Puèg Redond que culmina a 214 m. L'endrech, qu'es poblat de vinha, d'euses e de pins d'Alep, compren divèrses païsatges peculiars coma lo Gorg de l'Uèlh Doç o l'Estanh de Pissavaca.