La Garda Guerin

La Garda Guerin (nom de verificar) es una anciana comuna lengadociana, situada dins lo departament de Losera e la region d'Occitània, ancianament de Lengadòc-Rosselhon, uèi dins la comuna de Prevenchièiras.

Toponimia

La prononciacion, relevada a Planchamp, comuna de Pè de Bòrna, es [la'gardɔ]

Istòria

Es probablament un acòrdi entre l'avesque de Mende e lo senhor Bernat d'Andusa, dont lo domeni èra traversat pel Camin de Régordane, que decidiguèt d'implantacion d'un castrum, al còr d'aquel platèl de gres, a près de 900 mètres d'altitud.

Aquel castrum se tròba al mièg dels 24km del Camin anant de Vilafòrt a la Bastida, qu'èran dificilas, desolats e perilhoses. Aquela insecuritat èra deguda a la preséncia de las « Rotièrs », mercenaris gropats en companhiás nommadas « las rotas », qu'avián una marrida reputacion de pilhards massacreurs e incendiaris e que sens resultat, erravan e vivián sul país.

Guérin es un nom d'ostal comun a las baroniás de Randon, d'Apcher e del Tournel. Es probable en omenatge a un Guérin del Tournel que lo vilatge a pres aquel nom. Aquela familha en efièch, se trobava solidament implantada a Villefort e a La Garda. Èran mèstres del Mont Losera e d'una partida de la Salvatèrra. Triguèron pas a portar lor atencion sul Camin de Régordane e a i exercir lor poder.

Los Cavalièrs Pariers

Jos l'impulsion dels Barons del Tournel, los cavalièrs establits a La Garda constituïguèron una comunautat economica e militara, dins l'esperit de las Escòlas de Chevalerie florissentas en França tre lo sègle XII. Prestavan omenatge a l'avesque de Mende.

S'apelèron Cavalièrs Pariers (de latin Paras : egals) perque aqueles òmes, egals en dreches, egals en devers, possedissián lo vilatge fortificat en co-senhoriá, aital coma lo camin de Régordane, dempuèi Villefort fins a La Bastida. Èra la partida mai dificila, la mai desolada , la mai perilhosa d'aquel Camin. Cadun deteniá una « parérie », apelada tanben « part » o « porcion » d'aquel fòrça comun, dont assumissiá las cargas e percebiá los revenguts.