Jeanne Mas

Jeanne Mas es una cantaira francesa d'origina catalana (uèi de nacionalitat franco-americana) nascuda lo 28 de febrièr de 1958 a Alacant (País Valencian, Espanha).

Biografia[modificar | Modificar lo còdi]

Passa son enfància en França e apren a 18 ans l'espanhòl e l'italian a l'Universitat de Nanterre (còsta París), puèi un an mai tard partís en Itàlia ont enregistra son primièr disc, On the Moon (publicat en 1978), e monta un grop punk. En parallèl, totjorn en Itàlia, ven tanben presentatritz a la television e quitament comediana. Es a n'aquesta epòca qu'encontra lo compositor italian Romano Musumarra, ambe qui comença alavetz de collaborar. Aital, son primièr 45 torns en francés Toute première fois, dins un estili pop new wave, ven un gròs tube en 1984 e lança sa carrièra en França : i deveng quitament la cantaira francesa la mai populara de la segonda mitat de las annadas 1980 ambe en particular los autres tubes Johnny Johnny (n°1 en 1985), En rouge et noir (n°1 en 1986), L'enfant (n°3 fin 1986) o encara Sauvez-moi (n°3 en 1987).^[1]

Per contra, sa popularitat se va subte afondrar a partir de las annadas 1990. Jeanne Mas demòra pasmens encara uèi en França una icòna emblematica de las annadas 1980.