Facundo Cabral

Un article de Wikipèdia, l'enciclopèdia liura.
Salta a la navegació Salta a la cerca
Fotografia de Facundo Cabral en 1984.

Facundo Cabral (22 de mai de 1937, La Plata - 9 de julhet de 2011, Ciutat de Guatemala) èra un cantaire, un escrivan e un filosòf argentin assassinat en 2011 en Guatemala.

Abandonat per son paire avans sa naissença, deguèt desmainatjar ambé sa maire e sei sèt fraires e sòrres dins lo sud dau país. En 1946, faguèt un lòng plantier per anar demandar un trabalh au president Perón. Capitèt de s'introdurre dins lo palais presidenciau e de parlar au president que donèt un trabalh a sa maire. La familha anèt alora s'installar a Tandil dins la region de Buenos Aires. Dins aquò, la jovença de Facundo Cabral foguèt fòrça malaisada e l'enfant venguèt marginau e alcoolic. Arrestat, rescontrèt un jesuista en preson e aprenguèt de legir e d'escriure. Puei, un an avans sa liberacion, capitèt de s'escapar. Durant son evasion, un vagabond l'inicièt a la religion que venguèt una tematica importanta de son òbra artistica.

En 1959, s'installèt a Mar del Plata e i venguèt cantaire per lei toristas sota lo pseudonim d'El Indio Gasparino. En 1970, la cançon No soy de aquí, ni soy de allá li donèt una celebritat internacionala. Durant la dictatura militara de 1976-1983, foguèt obligat de s'exilar en Mexic. S'entornèt dins son país en 1984 e l'UNESCO lo nomèt « Messatgier mondiau de la Patz » en 1996.

Foguèt assassinat en Guatemala per un grop d'òmes desconeguts que mitralhèt son veïcul. Segon la polícia guatemalenca, èra pas la buta vertadiera de l'ataca e leis assasins volián en realitat tuar l'òme d'afaires Henry Fariña Fonseca que se trobava tanben dins la veitura.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]