Euribor

Un article de Wikipèdia, l'enciclopèdia liura.
Salta a la navegació Salta a la cerca
Euribor 1 setmana (verd), 3 meses (blau), 12 meses (roge)

L'Euribor designa un grop de taus d'interès de la devisa Èuro largament utilizat en Euròpa. Son, amb l'Eonia, los principals taus de referéncia del mercat monetari de la zona èuro. Lo nom Euribor es format a partir de la contraccion dels mots angleses Euro interbank offered rate, (taus interbancari ofèrt en èuro, Tibeur). Aquesta designacion foguèt retenguda a causa de sa similitud de sa desinéncia -bor amb l'apocòpa del vèrb to borrow, manlevar. Fa partit dels nombroses tauses IBOR.

L’Euribor de tres meses sevís de basa al segon mai grand mercat de taus d'interès de la zona èuro (ont se tractan de las maturitats podent anar fins a 50 ans), lo mercat dels swaps.

Caracteristicas tecnicas[modificar | modificar la font]

Definicion[modificar | modificar la font]

L'Euribor èra publicat per la Federacion bancària de l'Union europèa (FBE) dempuèi sa creacion lo 30 de decembre de 1998 fins a 2015, abans qu’aquesta publicacion jornalièra siá presa en carga per l'EMMI.

L'Euribor foguèt publicat, per un tèrme donat, per un <i>fixing</i> calculat cada jorn obrat a 11h (GMT+1) a partir d'un taus mejan qu’un escapolon de cinquanta e set grandas bancas establidas en Euròra, que prèsta en blanc (es a dire sens que lo prèst siá gatjat per de títols) a d'autras grandas bancas per un periòde de tres meses.

Per exemple, per un tèrme de tres meses (oficialament notat EUR3M), cada grandas bancas d'Euròpa anòncia un taus mejan pel prètz de l'Èuro abans 11h (GMT+&) a l'EMMI, (anciaana FBE). Lo cors de l'Euribor es tanben fixat pel tèrme EUR3M.

Tèrmes[modificar | modificar la font]

Los tèrme publicats son:

  • 1 setmana,
  • 2 setmanas,
  • 3 setmanas,
  • 1 mes,
  • 2 meses,
  • 3 meses,
  • e seguent atal fins a 12 meses.

Unes tèrmes an mai d'importança que d'autras. Cada banca decidís del tèrme oficial per sos calculs de taus de referéncia intèrne.

Modalitats de calcul[modificar | modificar la font]

Los taus son per una debuta comptant (spot), es a dire dos jorns obrats après la data de calcul, establís amb un descompte de jorns exacte e sus una basa annala de tres cent e seissenta jorns.

La lista de las bancas constituent l'escapolon es coneguda a l'avança, e es puslèu establa dins lo temps. Los taus rmarcats mai extrèms son levats del calcul, per protegir l'indici d'eventualas errors o d'una crisi de liquiditat que poiriá tocar tala o tala banca de l'escapolon.

De remembre que lo taus EURIBOR cotat es un taus lineari, es a dire que la valor de 1 € uèi es de (1+R*T) al tèrme T.

Escapolon de las bancas[modificar | modificar la font]

L’esapolon de las bancas contribuent a Euribor èra compausat de 44 bancas lo 1èr setembre de 2012, e es compausat de 18 bancas al 1èr de setembre de 2019:

  • Las bancas dels païses de l'UE participant a l'èuro a la debuta.
  • Las bancas dels païses de l'UE participant pas a l'èuro a la debuta.
  • Grandas bancas internacionalas de païses tèces mas avent d'importantas operacions dins la zona èuro.

Bancas contribuissent a l'Euribor[modificar | modificar la font]

Lista de las bancas contribuissent a l'Euribor
Pays Nom
Bandièra de Belgica Belgica Belfius
França Bandièra: França BNP-Paribas
França Bandièra: França HSBC France
França Bandièra: França Natixis
França Bandièra: França Crédit Agricole
França Bandièra: França Société Générale
Bandièra: AlemanhaAlemanha Deutsche Bank
Bandièra: AlemanhaAlemanha DZ Bank
Bandièra d'Itàlia Itàlia Intesa Sanpaolo
Bandièra d'Itàlia Itàlia UniCredit
Bandièra: LuxemborgLuxemborg Banque et Caisse d'Épargne de l'État
Bandièra: Païses BassesPaïses Basses ING Bank
Bandièra: PortugalPortugal Caixa Geral De Depósitos
Bandièra d'Espanha Espanha Banco Bilbao Vizcaya Argentaria
Bandièra d'Espanha Espanha Banco Santander
Bandièra d'Espanha Espanha Cecabank (es)
Bandièra d'Espanha Espanha CaixaBank
Bandièra: Reialme UnitReialme Unit Barclays

Ancianas bancas[modificar | modificar la font]

Lisa de las bancas contribuissent a l'Euribor
País Nom Data de sortida
Bandièra: AlemanhaAlemanha Landesbank Berlin Holding
Bandièra: AlemanhaAlemanha Landesbank Baden-Württemberg
Bandièra: AlemanhaAlemanha Helaba
Bandièra: AlemanhaAlemanha Norddeutsche Landesbank
Bandièra: AlemanhaAlemanha Commerzbank
Bandièra: AlemanhaAlemanha DZ Bank
Bandièra: AlemanhaAlemanha Bayerische Landesbank Girozentrale
Bandièra: ÀustriaÀustria Erste Group
Bandièra: ÀustriaÀustria Raiffeisen Bank
Bandièra de Belgica Belgica Belfius
Bandièra de Belgica Belgica KBC Bank
Bandièra: DanemarcDanemarc Danse Bank
Bandièra dels Estats Units Estats Units Citibank
Bandièra dels Estats Units Estats Units JPMorgan Chase
Bandièra: FinlàndiaFinlàndia Nordea
Bandièra: FinlàndiaFinlàndia OP Financial Group
Bandièra de França França Banque Postale
Bandièra de França França Crédit industriel et commercial
Bandièra: GrèciaGrècia National Bank of Greece 28 de mai de 2019[1]
Bandièra d'Itàlia Itàlia Monte dei Paschi di Siena 7 de genièr de 2019}}[2]
Bandièra d'Itàlia Itàlia UBI Banca
Bandièra: IrlandaIrlanda Bank of Ireland 14 de febrièr de 2014[3]
Bandièra: IrlandaIrlanda Allied Irish Banks
Bandièra del Japon Japon The Bank of Tokyo-Mitsubishi UFJ
Bandièra: LuxemborgLuxemborg UBS Luxembourg
Bandièra: Païses BassesPaïses Basses Rabobank
Bandièra de Suècia Suècia Handelsbanken

Utilizacion e corba Euribor[modificar | modificar la font]

Los Euribor mai utilizats son aquestes compreses entre 1 setmana e 3 meses, que servisson de basa e de referéncia màger:

  • sul mercat dels contracte de tèrme Euribor del LIFFE, verai mercat director dels tauses d'interès de cort tèrme de la zone èuro, que lo volum mejan èra en 2004 de 840 miliards d'èuros negociats cada jorn. S'agís de tèrmes d'Euribor 3 meses anant fins a 5 ans;
  • sul mercat dels swaps, segon mercat director dels tauses d'interès de long tèrme, rèire lo mercat dels manlevaires d'Estat ;
  • als manlèus de taus variable ofèrts als particulars e a las entrepresas (que lo taus d'interès es exprimit coma la soma de l'Euribor causit (per exemple, l'Euribor 3 meses) e del marge del manlevaire).

Puèi l'experiéncia mòstra que las donadas provesidas per las bancas participantas pels tèrmes superiors de sèis meses pòdon èsser aproximativas e s'escartar d’unes punts de basa de çò que dona un calcul precís basat suls contractes de tèrme.

Manipulacion de l'Euribor[modificar | modificar la font]

Los rapòrts dels regulators revèlan que los tauses de l'Euribor foguèron manipulats segon los interesses d’unas bancas a la pujada o a la davalada per generar mai de profièchs, pendent lo periòde 2005-2009,.

En decembre de 2013, 6 bancas foguèron sanccionadas per Brussèlas mejans una plan fòrta multa globala de 1,7 miliard d'èuros (multa menorada après collaboracion a l'enquèsta de consens de responsabilitat al subjècte dels cartèls e ententas sus l'Euribor). Bancas concernidas: Deutsche Bank (725 milions), Société Générale (446 milions), RBS (391 milions), JPMorgan, Citigroup, lo cortièr RP Martin. L'enquèsta de la Comission Europèa contunha,.

Lo 7 de decembre de 2016 la Comission europèa anòncia aver infligir una multa per 485 milions d’èuros al Crédit agricole, HSBC e JPMorgan Chase per aver participat a una ententa de manipulacion de tauses d’interès en èuro.

Autres tauses de referéncia[modificar | modificar la font]

Cal pas confondre l'Euribor amb l'Eonia (European overnight index average), tanben publicat per la FBE e que las donadas son provesidas pel mèsme escapolon de bancs. L'Eonia es una mesura del taus al jorn lo jorn (TJJ), lo taus interbancari aplicat d'un jorn sus l‘endeman.

Suls mercats non europèus, en particuliar aqueste del dolar EUA lo taus de referéncia es sovent lo LiborLondon Interbank Offered Rate — publicat per la British Bankers' Association. Aquesta publica un Libor Euro, fòrça pròche de l'Euribor, mas es pauc utilizat.

Vejatz tanben[modificar | modificar la font]

Articles connèxes[modificar | modificar la font]

Nòtas e referéncias[modificar | modificar la font]

  1. https://www.emmi-benchmarks.eu/assets/files/D0207A-2019%20-%20Withdrawal_NBG_Euribor.pdf
  2. https://www.emmi-benchmarks.eu/assets/files/D0001A-2019%20-%20Withdrawal_MPS_Euribor_final.pdf
  3. https://www.emmi-benchmarks.eu/assets/files/D0065A-2014-%20revised%20Minutes%20of%20the%2040th%20Euribor%20Steering%20Committee-clean.pdf

Ligams extèrnes[modificar | modificar la font]