Estatut d'autonòmia de Galícia de 1936
L'Estatut d'autonòmia de Galícia de 1936 foguèt un projècte d'estatut d'autonòmia de Galícia escrich en 1936 durant la IIa Republica Espanhòla e acceptat per plebiscit lo 28 de junh de 1936. Pasmens, intrèt jamai en aplicacion en causa de l'acomençament de la Guèrra d'Espanha tres setmanas pus tard ambé l'insureccion militara dau 17 de julhet. D'efèct, Galícia passèt rapidament sota lo contraròtle dei nacionalistas e l'estatut foguèt rebutat. Pasmens, ambé la fin dau regime franquista e la restauracion d'un regime democratic a la fin deis annadas 1970, l'estatut de 1936 venguèt una fònt d'inspiracion per l'Estatut d'autonòmia de Galícia actuau adoptat en 1981.
Lo projècte prevesiá de faire de Galícia una entitat democratica autonòma au sen d'un estat espanhòu republican e federau. L'espanhòu e lo galèc serián estats vengudas lei doas lengas oficialas dau territòri e lo govèrn galèc auriá tengut de poders importants, compres en matèria financieras (gestion e contraròtle de certaneis impòsts, possibilitat de nacionalizar certanei companhiás)[1].
Liames intèrnes
[modificar | Modificar lo còdi]- Estatut d'autonòmia de Galícia.
- Estatut d'autonòmia de Catalhona de 1932.
- Estatut d'autonòmia de Bascoat de 1932.
Bibliografia
[modificar | Modificar lo còdi]- (es) B. Cores Trasmonte, Las polémicas de Bóveda en la gestación del Estatuto de Autonomía, Ediciós do Castro, Sada, 1986.
- (gl) Viveiro Mogo, P., O Estatuto galego durante a II República, Edicións do Castro, Sada, 2008.