Vejatz lo contengut

Estat Independent de Còngo

Aqueste article es redigit en provençau.
Un article de Wikipèdia, l'enciclopèdia liura.

Drapèu de l'Estat Independent de Còngo.

L’Estat Independent de Còngo (EIC), tanben dich Estat Liure de Còngo[1], es un ancian Estat d'Africa Centrala creat en 1885 e annexat en 1908 per Belgica. Fondat per lo rèi Leopold II a partir de sa fortuna personala, èra una proprietat privada dau sobeiran qu'aprofichèt lei rivalitats entre poissanças colonialas per establir sa dominacion sus lo bacin de Còngo dins lo corrent deis ans 1880. Lei richessas abondosas de la region (cauchó, evòri, minas, etc.) atraiguèron fòrça investisseires qu'obtenguèron de concessions per esplechar lo territòri, desvolopar leis infrastructuras e fondar de vilas. Per sometre lei populacions localas, un sistèma repressiu fòrça violent foguèt tanben més en plaça.

A partir de 1900, la descubèrta progressiva deis atrocitats comesas còntra lei populacions indigènas (violaments, mutilacions, destruccions dei vilatges, etc.) e l'existéncia d'un sistèma de trabalh forçat assimilable a una forma d'esclavatge escandalizèron l'opinion europèa. Sota la pression diplomatica de plusors país, Leopold II deguèt cedir lo contraròtle son territòri a Belgica. L'EIC venguèt alora lo Còngo Bèlga e foguèt transformat en colonia pus classica en enebissent leis abüs pus grèus. L'EIC es ansin a l'origina de la formacion de la Republica Democratica de Còngo actuala.

Liames intèrnes[modificar | Modificar lo còdi]

Bibliografia[modificar | Modificar lo còdi]

  • (fr) Vincent Dujardin, Valérie Rosoux e Tanguy de Wilde d'Estmael (dir.), Léopold II : Entre génie et gêne: Politique étrangère et colonisation, Brussèlas, Éditions Racine, 2009, 409 p.
  • (fr) Matthieu Longue, Léopold II : Une vie à pas de géant, Brussèlas, Éditions Racine, coll. « Les racines de l'histoire », 2007, 285 p.

Nòtas e referéncias[modificar | Modificar lo còdi]

  1. Aquelei tèrmes vènon dei noms francés (« État Indépendant du Congo ») e anglés (« Congo Free State ») donats au territòri.