Estanh de Bajas
L'Estanh de Bajas es un estanh litoral de la còsta lengadociana. Es situat dins lo departament d'Aude, al sud de Narbona, dins lo Pargue Regional de Narbonesa, precisament entre los vilatges de Bajas, Sijan, Peiriac de Mar e Grussan. Es constituit per una lòna que comunica amb la Mar Mediterranèa per lo grau de La Novèla.
Al començament de la nòstra èra, fasiá partida d'un golf ont s'escampavan las aigas d'Aude e la Bèrra, abans que s'arenèsse progressivament e que se formèsse la correja litorala.
Èra conegut coma l'Estanh Màger, per oposicion als estanhs pichons vesins : Estanh Salin, Estanh Campinhòl, estanh de Comtessa, de Sesquièra, etc : Ad Stagnum Majus en 1352, Stagnum de Narbona en 1352, Stagnum majus Narbonae en 1477, L'Estan Mage en 1639 [1].
Nòtas
[modificar | Modificar lo còdi]- ↑ Abbé Sabarthès, Dictionnaire topographique du département de l'Aude, 1912, p. 128 legir en linha https://gallica.bnf.fr/ark:/12148/bpt6k110095d/f220.item.texteImage
